José Manuel Pequeño: "O Dumbría non partiu como favorito"

Pasou polos micrófonos da radiONeria o pasado domingo, ao remate do encontro, José Manuel Pequeño Castro, presidente do Dumbría C.F. Pequeño asegurou que o seu Dumbría non ten nesta eliminatoria o papel de favorito. Éstas foron as preguntas que lle formulou o noso compañeiro Fran Lago.

• O vindeiro domingo decídese todo. ¿Que pensa dese partido?

Vai ser un partido bonito e ademáis vai haber afección. Iso é darlle máis empurre aínda á Copa da Costa. Eu creo que nos vai quedar o campo pequeno.

• ¿Como viu o partido de ida?

Un pouco trabado. Tiña que haber máis fútbol. Nos últimos vinte minutos foi cando se empezou a ver algo máis. Por outro lado, o campo é moi grande e ten moita superficie arredor. Perdeuse moito tempo ao saír un balón fóra de banda ou pola portería. En vez de xogarse noventa minutos xogáronse corenta e cinco.

• ¿Que lle pareceu o gol do Cee?

Dicíame Juan, o porteiro, no vestiario que non entrou. Pero é así, isto é o fútbol.

• Fixo un bo papel Parroto, porteiro do Cee...

Si, gústame ademáis porque ademáis de ser familiar, é de Ameixenda. Gústame por iso, pero non por facer tantas paradas.

• O Dumbría partía para moitos como favorito...

Non, ao revés. Eu creo que todos os medios de comunicación, a campaña que fixeron a semana pasada dicía que todo o mundo co Cee. Non saiamos como favoritos. Nós o que temos é que somos un clube recente e copeiro. Estamos na terceira final, gañamos dúas e a ver se somos quen de gañar a terceira.

• ¿Cales son as súas expectativas para o domingo?

Nós deberiamos levar un mellor resultado da ida pero vai ser un partido bonito. Pode gañar calquera.

• Escoitar as verbas de Pequeño