21 junio 2012
14 junio 2012
Avoa, como nos metemos nunha radio por dentro?
![](https://blogger.googleusercontent.com/img/b/R29vZ2xl/AVvXsEj8F9IVEq7YENLRc8GCajLuNwTDgMuFx1JJEDVn4n2GBqyLJbpSaQ-ikQSbXWvajzStRZV-d5dLVofG3-JX_GiffgL9Bmb75e9vFuh6MLjiW8RKs73VRt2ouQmZpvnVVSqLG62K_8rD4h3n/s400/Grabando+na+radiONeria.jpg)
Esa foi a pregunta que o pequeno Diego lle fixo á súa avoa, Isabel Tomé, cando esta lle contaba que ían "visitar a radio por dentro". Claro, o pequeno, de apenas 3 aniños, non entendía o proceso...
Pero acabou entendéndoo, tras visitar, cun grupo de alumnos dos CEIP dos Muíños as instalacións da radiONeira, a radio municipal de Corcubión. Emisora na que ademais, a propia Isabel participaba activamente como a brava Maruxiña dos Queixos (canto a botamos de menos...).
![](https://blogger.googleusercontent.com/img/b/R29vZ2xl/AVvXsEjCjIJh7eEmWxz5o2YWSCZ1PtpQC_B290G-sxC7J9cKeY8J3kPGQtTavseGCLUIha7iNvCWb2cav4THWD_U17TWk1SED3vlMOaCw_OTLKx6tczDV5MqIC9LQhBdL-9ZNSEnOlDTCVz4BNRv/s400/Dura+loita+polos+micros+na+radiONeria.jpg)
Aló chegaron, despois de pasar por un farmacia en Dumbría, para saber que se coce nunha radio. Entraron sen escachar nada, e o primeiro que fixeron foi regalarnos unha serie de debuxos que eles mesmos fixeron e que xa serven para decorar a emisora por dentro, e para ilustrar a redacción e a portada do noso Facebook. Que alegría ver aos locutores da radiONeria debuxados por estes artistas!!
![](https://blogger.googleusercontent.com/img/b/R29vZ2xl/AVvXsEib2du6SBwekwnDfr4soo06ey8W0LZa2i_QORumyu0wOz3JtsR9S8gH4U5fYhUD7T1phBnbYDRjCZHHW6xx0fqrl92E1GpgMim4YWApdmU-rH6qhVc_1FkiF3kKZRHn0rQWJysqOBdtaP-0/s400/Regalos+dos+peques+dos+Muinos+a+radiONeria.jpg)
Así, e da man dos colaboradores da emisora Saulo Pose e Ubaldo Cerqueiro, descubriron a redacción, a sala de control, e a "peixera", e de como é posible que poidamos escoitar o que chega ata as nosas casas a través do pequeno aparello.
Aló se meteron, a tocar todos os botóns, a berrar polos micros... pero tamén nos deixaron outra sopresa: gravaron o conto da Ratiña presumida coa axuda da mestra Cristina!!! Vaia marabilla!!
![](https://blogger.googleusercontent.com/img/b/R29vZ2xl/AVvXsEin76ddx8QA9VosorEC35ohlNKRkXznDlpv3kGR23OPbByNsX-j1_H_1noo_ZUTn-vSLX_7oWpIe57yC5B83M7NJ2D2T8YdmFsVphxxlJQvTM40OlkeFmvPFKoL5ssa0pSiRvHxYiQgGP1U/s400/A+pequena+ratina+na+radiONeria.jpg)
Así que descubriron como se pode entrar dentro dunha radio sen necesidade de escachar nada!
Ata a vindeira visita!
Pero antes de marchar, aquí vos deixamos cun detalle sonoro da visita, do conto da Ratiña e de como entonan o lema da emisora: radiONeria, é un falar!!!
Ir a descargar![](https://blogger.googleusercontent.com/img/b/R29vZ2xl/AVvXsEh6k4IGlpIEeJzsIWYgV7lkSFoRs5oYeaWcTk7b093PpUZlwYK8vg7SSc4Ty4B7Zmh0CEDAnt1c_NMJNSoQUho2UKWOE3f_DMlca69cxbZkjD2YsZJ9ZrTZfR9lc2nZ8B1yyiNjvAldajQv/s400/Os+pequenos+dos+Muinos+as+portas+da+radiONeria.jpg)
11 junio 2012
I Festival radiONeria: Unindo Corcubión
![](https://blogger.googleusercontent.com/img/b/R29vZ2xl/AVvXsEgkfICBEyVMyRcrrhA_5RBkQMgK2BZAcShblMNp_4RA2MBroBesieeGpEEX-1cnw-KCbPCFJhyphenhyphenIo4yiDqi-6WE7PxMLXW8YdPh4rubmO_xIgrefD6Mm1SoYW8EhXbbqauiz_pvNTsWI7txc/s400/I+Festival+radiONeria+-+Foto+de+familia.jpg)
De éxito total podemos catalogar o I Festival radiONeria. Máis de 250 persoas case que ateigaron a Casa da Cultura de Corcubión para disfrutar cas actuacións de todos os grupos representativos da vila de San Marcos.
![](https://blogger.googleusercontent.com/img/b/R29vZ2xl/AVvXsEhMW4uTnf-ITLngJTK8OtTjk0ZsYidS1AEVVQvrtbqAUDvmAdBJDCYwd80uBViXk54IKpzIzAZXljWGl7JM2fOcoey5TsxCMEhTwpoQJ-6TKNyZf30KDe1curEo-fm1HhieWP6PlZnIBjnh/s400/I+Festival+da+radiONeria+-+Publico+.jpg)
![](https://blogger.googleusercontent.com/img/b/R29vZ2xl/AVvXsEitKaYKOAoWDretALC7wcinVXOonhI3TnQ_Ps6mUHeQh8eHvH_Th0eQtPncRvMfg-AMu0sshoLeXPF6n3qji8juXLuJOpCPH6ItJ8_sWFSOIJgvFuLToIqQ0vp-484OajXwwPsKgn6qXxjO/s400/I+Festival+radiONeria+-+Publico+Os+pequenos+atentos.jpg)
Maxistramente organizada e dirixida por Saulo, Sarah e Joanna, presentadores do programa Un máis un, a Gala durou dúas horas sen cansar, pasando do baile, á coral, pasando polas pandeiretas ou a poesía, con tempo, e todo, para os sorteos.
Moitos terían que aprender desta activa mocidade nas galas máis importantes do país, e como fiaron actuación e actuación coa voz en off de históricos como Marco Antonio Sande dan conta de que a canteira está asegurada.
![](https://blogger.googleusercontent.com/img/b/R29vZ2xl/AVvXsEhXKR1H61lXy7K9eJwRRhc2csoDWWyTb_sRuGmNKaRt4k5ISk7nEueXKtdmo-c9rtR26yXOWmSTTtXZDANoLVBo35nNoQAafgkje1aSQfA_8nFV05kjl9ETayY0nxX-lKIyEIn5O13Q4QCq/s400/I+Festival+radiONeria+-+Condutores+da+gala+Sara+Joana+e+Saulo.jpg)
![](https://blogger.googleusercontent.com/img/b/R29vZ2xl/AVvXsEizmMX09sw99hTrWyPRp4xXuf4yRAFbCnalTCWKKz-y5MLeALFra7NGGB01GIPknzitOQGlz8UuqHghOhjnRFIY0mffknkDbPo32jxPijzkNCKECu_SutvcXi_0gc4M_EEoCv9xuibdRO2H/s400/I+Festival+radiONeria+-+Baile+Nerio+1.jpg)
Abriron os máis pequenos do Grupo de Baile Nerio, arrincando aplausos e risas das butacas. E dos máis novos, aos maiores, pois foron os membros da Coral Airiños de Quenxe os que tomaron o relevo e alzaron a voz.
![](https://blogger.googleusercontent.com/img/b/R29vZ2xl/AVvXsEjPHyXyiUveN2KWRJtrdifdsWZEIvbGsPo6wcyekYraYQgSI3GQeBrvR-2xlYVvxogbJlZBzknU-vnlszYnOe9cB3Os28bUPMwtaB_E-XicXt-xh9mZmbct24xrK99NCBYbALluxgnwRqid/s400/I+Festival+radiONeria+-+Coral+Airinos+de+Quenxe.jpg)
![](https://blogger.googleusercontent.com/img/b/R29vZ2xl/AVvXsEhtRy4VQ4Iwq2oqF5Ru8h2DA82kFksfSt9O5RAAW3oVHBYkqZr5a4cHn-hQ-W7OeNI0JRIAxVUW86rLV_mqjR-OBZ1xq4sDP7bET7m6XX3eXyvQnivGch0UiFhLYbQjkOK2fyjTxbkkBbv-/s400/I+Festival+radiONeria+-+Sorteo.jpg)
Como dicimos, houbo tempo para os sorteos e se regalaron varios libros da Librería Ler, que por certo as súas representantes fixeron unha fermosa lectura de textos de Eduardo Galeano, Carnicería Antelo, a EMPRECOR e mais o Hotel El Hórreo.
Saltaron ao escenario os medianos do Baile Nerio e de seguido Manolín trouxo un par de poesías da súa autoría ademais dunha lembranza a Gonzalo López Abente.
![](https://blogger.googleusercontent.com/img/b/R29vZ2xl/AVvXsEiv2cLV2Kr8B2FJwotmPvjdP2zQNCeRHtru_NNLf73QK7rqCQZPzntm2acCYvXNZqn-p41pDWIS9sb_RdE8UeG4e0fcNKbebwqwXaFOy9HIWfSJ7wGjO3o2cOlKYHIFZVraqNbjCSMIuxZU/s400/I+Festival+radiONeria+-+Manolin.jpg)
Fixeron resoar as pandeiretas en todo Corcubión as bravas de Millo Verde, xa toda unha referencia non só na vila, se non en toda a comarca. Para dar paso aos maiores do Baile Nerio.
![](https://blogger.googleusercontent.com/img/b/R29vZ2xl/AVvXsEhD42eEpIEVswOacnNeqq4qEn1QhlXbrAIynHn8F3XjmPswyLj9d8r9kIaPVUKBSCV6C8VawXUvRKd4fZrPelVxasetWZAN3o8qpxKWldVFezW0pkDYV8l2-87cSAcXh2kAEXhu4Kb7egK4/s400/I+Festival+radiONeria+-+Pandereteiras+Millo+Verde.jpg)
![](https://blogger.googleusercontent.com/img/b/R29vZ2xl/AVvXsEgJ-tXnm2ncipZIxCe-7QoYcrdWrJRkIanXstGL8kZ6oJT0duTJ9jcn3r-oEC_dg3G1zZQlb1S2YUIrqTDF2UeVg5QshTuOocy9elsVnC7J_AEDptgGqGJqGvKi_BWcnBZc8GSCWs7iRU7R/s400/I+Festival+radiONeria+-+Baile+Nerio+2.jpg)
Foi Dolores Oliveira, unha das máis queridas na vila, a que puxo a última nota coa súa excepcional voz (25 anos gañándose a vida en misas e bodas do país o refrendan) para pechar por todo o alto este I Festival radiONeria.
Foto de familia e xa pensando no ano que vén.
![](https://blogger.googleusercontent.com/img/b/R29vZ2xl/AVvXsEhn75MFfFMh50X7Eo7devBIOGwm6OnirfHYS6GIdUgBBxFfJ7jEjlImIW-JJDuF8lwUV1bHAk8a6JAEHjSgN8eCC-XxVKmLz7RSdfoezEPP-64gn_eRrYrLuJLCKFCIHC2Nf14FsKZF3BuN/s400/I+Festival+radiONeria+-+Dolores+engatusa+a+todo+Corcubion.jpg)