PREMIOS PARA RADIO NERIA NO II CONCURSO DE PODCAST DE EMUGA.

Este sábado 13 de Xuño o alcalde de Corcubión estivo na entrega de premios do II Concurso de Podcast en Fene organizado por

EMUGA en colaboración coa Deputacion da Coruña.

Neste concurso, dous podcast da Radio Neria foron premiados en dúas categorías.

BOOMERS A CONCIENCA, de Pablo Álvarez e Rebeca Ayala ,coma mellor podcast elexido polo xurado.

FALAR SEN CANCELAS, por mellor Host (anfitrión), con Pepe Formoso ao micro, controis a cargo de Xosé Luís Louzán e do sintonía programa dun músico local co tema "Na costa un intre" de Fernando Fraga.

Parabéns ás premiadas e premiados. Parabéns tamén e moitas grazas ás colaboradoras e colaboradores de Radio Neria, que de xeito voluntario fan que a nosa Radio Municipal siga viva. Talento local e de kilómetro cero.

Ao longo de décadas, Radio Neria foi contando o día a día de Corcubión e da bisbarra, dando voz ás asociacións, ás festas, á cultura, ao deporte como exemplo de que desde o local pódese innovar, adaptarse e seguir tendo futuro.

As radios municipais son proximidade, son participación e son territorio. Son espazos onde a xente se recoñece e onde moitas veces nacen conversas que doutro xeito non existirían.

Agora, ademais, estamos vendo que formatos como o podcast abren novas oportunidades grazas ás novas tecnoloxías.

 

A Radio Na Escola chega ás ondas de Radio Neria

O traballo realizado durante este primeiro trimestre entre a Asociación Cultural Radio Neria e os centros de primaria da comarca de Fisterra, chega ás ondas de Radio Neria nun programa especial que se poderá escoitar en valor este mércores 24 ás 11:00. Neste programa escoitaremos os traballos feitos polos distintos centros de ensino.

Este programa puxo en marcha nos ciclos de primaria dos colesxis da comarca de Fisterra unha traballo para poñer en valor o patrimonio artístico en cada unha das súas vilas. Desde o inicio do curso, a Asociación Cultural Radio Nria etivo a traballar cos distintos centros para encamiñar un proxecto de investigación por parte do alumnado dunha figura local, co obxectivo de dar a coñecer a súa vida, traxectoria e obra. 

O programa A Radio na Escola é unha iniciativa da Asociación Cultural Radio Neria e conta coa financiación da Deputación da Coruña a través do programa de subvencións a entidades sen ánimo de lucro para a realización de actividades culturais durante o ano 2025.

 

A Asociación Cultural Radio Neria e a Deputación da Coruña no CEIP Mar de Fóra de Fisterra

Dentro do programa A RADIO NA ESCOLA, a Asociación Cultural Radio Neria xunto coa Deputación da Coruña, visitou desta vez, o CEIP Mar de Fóra. Xa é a segunda xornada de traballo co profesorado e alumnado de 6º de Primaria para levar a cabo un podcast que se vai gravar no centro educativo no mes de decembro. A figura literaria que centra o seu traballo é a actriz, directora, e escritora fisterrá Marta Lado.

Este podcast vai encadrado dentro do programa de subvencións da Deputación da Coruña a entidades culturais sen ánimo de lucro para levar a cabo a actividade no ano 2025. Unha axuda coa que a Asociación Cultural Radio Neria vai levar a cabo este programa nos centros educativos de primaria de Corcubión, Cee, Fisterra, Dumbría e Muxía.

 

A Asociación Cultural Radio Neria e a Deputación da Coruña no CEIP Virxe da Barca de Muxía

Dentro do programa A RADIO NA ESCOLA, a Asociación Cultural Radio Neria xunto coa Deputación da Coruña, visitou o CEIP Virxe da Barca de Muxía. Celebraron unha xornada de traballo co profesorado e alumnado de 2º de Primaria para levar a cabo un podcast que se vai gravar no centro educativo no mes de decembro. Os alumnos e alumnas están investigando sobre a figura de Rosalía Fernández Rial, a quen convidaron para entrevistar no centro educativo.

Este podcast vai encadrado dentro do programa de subvencións da Deputación da Coruña a entidades culturais sen ánimo de lucro para levar a cabo a actividade no ano 2025. Unha axuda coa que a Asociación Cultural Radio Neria vai levar a cabo este programa nos centros educativos de primaria de Corcubión, Cee, Fisterra, Dumbría e Muxía.

 A Asociación Cultural Radio Neria e a Deputación da Coruña nos coles de Dumbría e Cee

Na mañá de onte levouse a cabo unha nova xornada de traballo de "A radio na Escola" no CEIP Santa Eulalia de Dumbría e no CEIP Vila de Cee. Este traballo, levado a cabo pola Asociación Cultural Radio Neria coa financiación da Deputación da Coruña, ten como finalidade a realización dun programa de radio por parte do alumnado.

A Asociación Cultural Radio Neria encárgase da formación do alumnado e a supervisión do traballo. Antes do parón de Nadal está previsto que realicen o seu programa que vai ser emitido en Radio Neria.

Este xoves, a Asociación trasladarase ao CEIP Virxe da Barca de Muxía e ao CEIP Mar de Fóra de Fisterra para continuar co seu traballo. A semana que vén, tócalle o turno ao CEIP Praia de Quenxe, de Corcubión.

A Asociación Cultural Radio Neria e a Deputación da Coruña renovan os equipos de Radio Neria.

A Deputación da Coruña concede unha subvención á Asociación Cultural Radio Neria para poder renovar parte dos equipos da emisora municipal de Corcubión. Esta axuda está englobada dentro do programa de subvencións da Deputación da Coruña ás entidades culturais sen ánimo de lucro. O montante da axuda ascende a case cinco mil euros, dos que a Deputación concede o 80%. 

 A Asociación Cultural Radio Neria leva "A Radio na Escola" ao CEIP Vila de Cee

Desta vez tocoulle ao CEIP Vila de Cee. A Asociación Cultural Radio Neria, co patricinio da Deputación da Coruña fixo a súa primeira xornada de formación para os alumnos de 5º curso do CEIP Vila de Cee.

O proxecto que se está a levar a cabo é a formación do alumnado para que produzan un pódcast centrado nunha figura relevante no eido literario da Vila de Cee. O proxecto vaise realizar durante todo este trimestre culminando nun pódcast feito integramente polo alumnado do centro.

Este programa lévao a cabo a Asociación Cultural Radio Neria e conta coa financiación da Deputación da Coruña dentro do programa de subvencións a entidades sen fins de lucro para a realización de actividades culturais durante o ano 2025

Deputación da Coruña

Radio Neria 

 "A Radio na Escola" chega ao CEIP Mar de Fóra de Fisterra.

Esta semana, a Asociación Cultural Radio Neria estivo no CEIP Mar de Fóra de Fisterra, formando aos rapaces e rapazas de 6º de primaria para levar a cabo un pódcast sobre un autor o autora da vila. Este programa conta coa colaboración da Deputación da Coruña e tamén estará presente en centros de infantil de primaria dos Concellos de Corcubión, Cee, Dumbría e Muxía.

 A Asociación Cultural Radio Neria leva "A RADIO NA ESCOLA" ao CEIP Praia de Quenxe

Dando continuidade ao programa A RADIO NA ESCOLA, a Asociación Cultural Radio Neria visitou o CEIP Praia de Quenxe de Corcubión. Nesta xornada, os nenos e nenas de 3º e 4º de Primaria asistiron a unha xornada de formación para levar a cabo un pódcast que gravarán no mes de decembro. 

Este programa trata de introducir a radio nos centros de ensino de primaria na comarca de Fisterra, poñéndoa en valor como ferramenta educativa. A RADIO NA ESCOLA é un programa organizado pola Asociación Cultural Radio Neria e conta coa financiación da Deputación da Coruña.

                                    

    A ASOCIACIÓN CULTURAL RADIO NERIA PON EN MARCHA O PROXECTO "A RADIO NA ESCOLA"

Este luns 29 de setembro arrancou o proxecto "A RADIO NA ESCOLA", un programa posto en marcha pola Asociación Cultural Radio Neria e que conta coa financiación da Deputación da Coruña. Un proxecto que engloba aos centros de ensino de primaria de Corcubión, Cee, Fisterra, Muxía e Dumbría. Con este traballo preténdese poñer en valor o patrimonio cultural de cada un destes Concellos. O proxecto estará rematado antes do parón do Nadal. Os programas van ser emitidos en Radio Neria, a emisora municipal do Concello de Corcubión e subidos ás plataformas Ivoox e Spotify da propia emisora.

Este luns escoitamos o pódcast que Radio Neria gravou no Centro Recreativo Cultural de Corcubión

Radio Neria emite este luns días 23 de xuño o pódcast gravado no Centro Recreativo Cultural de Corcubión no que se debatíu sobre o presente e futuro turístico da comarca, o seu potencial e o seu compromiso como un destino turístico sostible. 

O pódcast está enmarcado dentro da participación de Radio Neria no 3º programa Onda ODS "O Futuro empeza por ti", que desenvolve con EMUGA (Emisoras Municipais Galegas), RTV Cardedeu, a EMA (Emisoras Municipais de Andalucía) e a REMC (Rede Estatal de Emisoras Comunitarias).

Neste programa imos contar coa participación do vicepresidente da Deputación da Coruña, Xosé Regueira ademais de Xabier Domínguez, alcalde de Corcubión e Pepe Formoso, presidente de APTCM. Na segunda parte do programa haberá un coloquio non que estarán presentes Xóan Creus, Arquitecto ceense, profesor titular do departamento de Proxectos arquitectónicos, urbanismo e composición da Escola Técnica superior da Coruña; Iria Caamaño, profesora de socioloxía e comunicación, pertence ao Grupo de Investigación de Estudos Territoriais, e desenvolve liñas de investigación sobre turismo cultural, comercialización e planificación turística e Lucrezia López, directora do Centro de Estudos Turísticos da USC. Tamén nos acompañou Ubaldo Cerqueiro, director do xornal dixital Que Pasa na Costa.

                                        

RADIO NERIA GRAVA UN PODCAST DESDE O CENTRO RECREATIVO CULTURAL DE CORCUBIÓN

Este pasado sábado Radio Neria saíu da emisora para gravar, desde o Centro Recreativo Cultural de Corcubión, un pódcast sobre "Turismo sostible e riqueza da comarca". Polo programa pasaron o Vicepresidente da Deputación, Xosé Regueira; o alcalde de Corcubión, Xabier Domínguez "Drok" e o presidente de APTCM (Asociación de Profesionais do Sector Turístico da Costa da Morte), Pepe Formoso.

No programa abordáronse as necesidades e potencialidades da Costa da Morte de cara a ser un referente dentro dos destinos turísticos de Galicia, pero sempre tendo en conta a sostebilidade.

O pódcast poderase escoitar este mércores 4 de xuño en https://radioneria.blogspot.com e tamén na plataforma Ivoox e Spotify.

 Arranca o concurso inter-institutos “Onda ODS – o futuro é teu "

Mañá emítese na programación de Radiofusión a primeira das semifinais do concurso sobre ODS e Axenda 2030 que se realiza simultaneamente en varios territorios do resto de España.

Os estudantes de Educación Secundaria Obrigatoria (ESO) de catro centros galegos serán os protagonistas desta primeira edición dun concurso que pretende transformar a educación en materia de sustentabilidade nunha experiencia interactiva, divertida e emocionante aproveitando o alcance e a influencia da radio local en todo o Estado.

Este concurso Preséntase como actividade central do proxecto “ONDA ODS O Futuro é Teu” formulado pola Asociación de Emisoras Municipais e Comunitarias de Andalucía de Radio e TV (EMA-RTV) en colaboración con RTV Cardedeu, a Asociación de Emisoras Galegas (EMUGA) e a Rede de Medios comunitarios (ReMC).

A representación dos centros galegos neste concurso está representada polos Institutos Manuel García Barros de A Estrada – en Pontevedra, o IES Perdouro de Burela – en Lugo-, o IES Antón Losada Diéguez tamén da Estrada e o IES de Fene, da Coruña.

Os cruces entre estes equipos que comenzan mañá martes 22, co enfrontamento do IES Manuel García Barros e o IES de Fene, e continuará o na segunda semifinal entre o IES Perdouro de Burela e o Antón Losada da Estrada o venres 2 de maio. A final entre os equipos gañadores destes cruces dará a coñecer ao equipo que representará a Galicia na fase estatal do concurso, onde se medirán con centros de Catalunya, Andalucía e a Comunidade de Madrid.

O centro de ensino que acadará o título nesta primeira edición do concurso “Onda ODS – O Futuro é Teu” dirimirase na final estatal que terá lugar o día 13 de maio.

 

Día dos Medios en Galego

Cada 7 de febreiro, Galicia celebra o Día dos Medios en Galego. Faino co gallo da saída da primeira publicación xornalística realizada integramente en galego, O Tío Marcos d’A Portela, en 1876. 

Un “Día” ratificado por unha declaración conxunta de todos os partidos con representación no Parlamento Galego o propio 7 de febreiro de 2018. 
Un Día que serve á entidade de fío condutor para realizar as campañas de sensibilización e concienciación da necesidade de manter medios que manteñen viva e útil o noso idioma. 

Para celebrar a data vimos realizando unha serie de eventos:

En 2018 celebrouse en Barallobre (Fene), na que interviron 25 persoas relacionadas coa nosa cultura e cos mediosa. 

En 2019 a Gala tivo lugar en Pontevedra, e contou coa presencia de Touriñán e Ugia Pedreira. Un evento que nos servíu para “sacar peito” e fachendear de coidar a nosa lingua, de ennobrecela a través de usala, de darlle máxima utilidade.

En 2020 o acto cultural celebrouse no Casino1889 de Carballo, coa dirección de Avelino González e a regueifeira Lupe Blanco, e a actuación da banda Terbutalina.

Este 2021 toca facelo vía streaming, cun formato #LateNight que tivo que ser adiado polas restricións sanitarias e que emitiremos o 20 de marzo polas canles de Youtube e Facebook da AMEGA, as radios municipais e Nós Televisión.

En 2022 fixeron un percorrido histórico polas rúas de Santiago lembrando momentos importantes da historia para a nosa lingua, coas representacións dos Quinquilláns .

En 2023, coa intención de chegar máis directamente á mocidade, artellamos un minifestival de música galega contemporánea cos concertos de Grande Amore e Ortiga.

Se ben a AMEGA formámola arredor de 60 medios (radios, edicións impresas, xornais dixitais…) vimos de contrastar que hai activos máis de 140 medios (incluíndo revistas especializadas, tanto dixitais como impresas) contanto o que pasa no noso país.

 

AMEGA celebra o Día dos Medios en Galego 2025 cun concerto de Leria e A banda da Loba 

O presidente da Asociación de Medios en Galego (AMEGA), Pablo García Fernández, e o secretario xeral de Política Lingüística, Valentín García, presentaron en rolda de prensa as diferentes actividades que organizou a entidade para celebrar o Día dos Medios en Galego o vindeiro 7 de febreiro. Este día coincide coa saída da primeira publicación monolingüe en galego, O Tío Marcos d’A Portela, editado por Valentín Lamas Carvajal no ano 1876. 

Neste 2025, AMEGA decidiu poñer o foco na función social dos medios de comunicación. De aí o lema ‘A Lingua que nos une’. “Porque máis alá da nosa labor informativa, somos axentes de cohesión, xeradores de debate, de espazos de liberdade, e fiscalizadores do poder. Somos a garantía de que todas as voces sexan escoitadas, de que todas as inxustizas sexan denunciadas, de que ningún recuncho da nosa terra quede á marxe da información”, sinalou o presidente. 

Como principal acto desta celebración, o mítico Playa Club da Coruña acollerá o propio 7 de febreiro desde as 21:30 h un concerto de Leria e A banda da Loba, dous grupos que conxugan os valores e a esencia deste Día dos Medios en Galego 2025. As entradas (7€) están á venda en entradium.com 

O secretario xeral de Política Lingüística destacou que este evento, ademais de xuntar a medios galegos, tamén reúne “outra parte moi importante da comunicación como son os receptores e receptoras”. Valentín García subliñou o feito de que hoxe en día haxa máis de 140 medios que empreguen o galego, “unha cifra que fai anos nos parecería incrible e que nos obriga aos que temos responsabilidades públicas a seguir apoiando e a traballar na liña de que cada día sexamos máis”.

Pola súa parte, tanto Andrea Porto, de A banda da Loba, como Helena Barreiro e Andrea López, integrantes de Leria, amosáronse moi agradecidas por contar con elas para este concerto. “Parécenos moi importante que se fagan este tipo de actividades porque é certo que fai falla darlle máis visibilidade á nosa lingua”, afirmaron. 

 

O MODELO BURELA COA IGUALDADE DE XÉNERO E PARA SENSIBILIZAR SOBRE O

CAMBIO CLIMÁTICO

O quecemento global, a eliminación da pobreza e a igualdade de xénero son algúns dos contidos sobre os
que se centra a proposta de comunicación das radios públicas locais. Queren asimesmo aproveitar o auxe
do podcast, como ferramenta de moda en todo o mundo para transformar as emisoras municipais en
centros de produción de audio, abertos a toda a cidadanía. A presentación dunha nova edición do proxecto
ONDA ODS de comunicación e concienciación sobre os Obxectivos de Desenvolvemento Sostible e
Axenda 2030 foi o centro da reunión mantida na mañá de hoxe entre a Asociación de Emisoras
Municipais Galegas, EMUGA, e o Concelleiro de Burela Mario Pillado.

Henrique Sanfiz, secretario da Asociación de Emisoras Municipais presentoulle os eixos do proxecto que
desenvolve a Asociación en colaboración con asociacións homólogas en Andalucía e Catalunya (EMA e
La Xarxa Radio TV Cardedeu) e a Asociación de Emisoras Comunitarias, nesta súa terceira edición.
Un dos puntos principais deste proxecto terá o seu desenvolvemento en Burela, xa que EMUGA ten
convidado ao Instituto de Ensino Secundario Perdouro a participar nun concurso ao redor dos ODS e
Axenda 2030 que envolverá a alumnos de 3o da ESO de 16 Institutos do Estado Español, catro deles
galegos.

O concurso que se desenvolverá ao longo de tres meses constará dunha fase territorial, na que competirán
entre si catro institutos galegos, e unha fase estatal na que o centro gañador da fase territorial representará
a Galicia enfrontándose aos centros gañadores das outras zonas do Estado.

O representante de EMUGA aproveitou a ocasión para ofrecer ao representante do Concello a
colaboración e experiencia das emisoras municipais para relanzar a emisora municipal coa que conta
Burela e que pode ser un importante elemento de participación veciñal na vida social e cultural do
municipio.

 

O FALADOIRO DE ARTES ESCÉNICAS chega a Radio Neria.

A actriz e creadora fisterrá, Mariña Lestón, trae á programación de Radio Neria un novo programa: O FALADOIRO DE ARTES ESCÉNICAS, un programa no que conversará con protagonistas das Artes Escénicas de Galicia.

O programa arranca este mércores e terá unha periodicidade mensual. No seu primeiro capítulo, Mariña Lestón conversa con Xesús Ron e Patricia de Lorenzo, do grupo Chévere, un dos referentes da creación escénica en Galicia e que no 2014 foron recoñecidos co Premio Nacional de Teatro.

Santiago acolle o cumio de 240 emisoras de radio locais que reafirman a súa vontade de cooperar en rede a escala global

• A Asociación de Emisoras Municipais Galegas (EMUGA) exerce de
anfitrioa do encontro no que tamén participan representantes de
EMA RTV (Andalucía), RTV Cardedeu La Xarxa (Cataluña) e a
Rede Estatal de Medios Comunitarios
• A sesión de traballo, que comezou onte e se prolongará durante
toda a xornada de hoxe na sede do Consello da Cultura Galega,
busca amplificar o impacto da comunicación local a través da
educación e o desenvolvemento sustentable

Santiago, 27 de novembro de 2024 | A sede do Consello da Cultura Galega (CCG)

acolle desde onte e durante toda a xornada de hoxe un encontro histórico con

representantes de 240 emisoras de radio de todo o Estado español co obxectivo de

reafirmar a súa vocación de traballar en rede para ter incidencia a escala global, pero

sen perder as raíces locais; aliñar estratexias conxuntas, intensificar a colaboración e

aproveitar sinerxias.

O encontro, organizado pola Asociación de Emisoras Municipais Galegas (EMUGA),

conta coa participación de EMA RTV (Andalucía), RTV Cardedeu La Xarxa (Cataluña) e

a Rede Estatal de Medios Comunitarios (ReMC), que subliñan a importancia de reforzar

os medios locais como ferramentas para o cambio social e ambiental.

O programa incluíu na tarde de onte un acto no que Henrique Sanfiz, secretario de

EMUGA, destacou a colaboración entre entidades autonómicas e estatais como clave

para lograr un impacto real. “Somos 240 radios, moi pequenas, que, se bailamos soas,

chegamos a poucos sitios, pero, se bailamos todos ao mesmo paso na mesma

dirección, podemos aspirar a poñer un grao de area para cambiar o mundo”, afirmou.

Tamén subliñou a necesidade de combinar enfoques globais e locais no proxecto Onda

ODS, baixo o lema "de medios locais a medios glocais". Insistiu en que esta iniciativa é

“multicultural e multilingüe, defendendo a lingua e a cultura de cada territorio”.

Pola súa parte, Xesús Domínguez, tenente de alcaldesa do Concello de Santiago de

Compostela, deu a benvida aos participantes e salientou a relevancia da comunicación

de proximidade: “Cando viaxamos buscamos descubrir outras culturas, maneiras de

pensar e linguas... Isto é o que verdadeiramente enriquece a experiencia”. Domínguez

agradeceu a presenza dos asistentes e resaltou o papel de Santiago como punto de

encontro e reflexión.

Rosario Álvarez, presidenta do Consello da Cultura Galega, destacou o valor destas

redes como ferramentas de cohesión nun territorio tan fragmentado como Galicia. “O

desenvolvemento sustentable non pode esquecer a cultura; é o motor da sociedade e

debe integrarse en todos os seus aspectos: humanísticos, científicos e tecnolóxicos”.

Ademais, subliñou “a importancia dos dereitos culturais. A cultura é un dereito; poder

desfrutar a cultura da túa comunidade e recibir cultura debe ser un dereito”. Álvarez

animou os presentes a fortalecer a colaboración entre emisoras e asegurou o apoio do

Consello para seguir impulsando esta rede.

Medios locais con impacto global

Este encontro supón tamén o punto de partida para unha nova etapa no proxecto Onda

ODS impulsado pola devandita rede de emisoras de radio locais, que no ano 2025

chegará á súa terceira edición baixo o lema "De medios locais a medios glocais". Esta

iniciativa, desenvolvida en colaboración co Ministerio de Dereitos Sociais no marco da

Axenda 2030, busca amplificar o impacto dos medios locais a través de tres liñas de

acción que combinan a educación, a formación profesional e a sensibilización cidadá.

Estes son os obxectivos:

1. Impulsar a conciencia climática na mocidade:

A primeira acción estará centrada na mocidade de 16 centros educativos de cinco

comunidades autónomas. A través dun concurso radiofónico estatal, os estudantes

reflexionarán sobre o impacto do cambio climático nas súas comunidades, promovendo

un diálogo interxeracional e unha comprensión máis profunda deste desafío global.

2. Formación en municipios rurais e vulnerables:

En 16 localidades de ámbito rural e con maior vulnerabilidade social organizaranse

coloquios radiofónicos destinados a comunicadores e xornalistas. Estes encontros

tratarán temas como a pobreza, a igualdade de xénero e o cambio climático, co

obxectivo de mellorar a calidade e a sensibilidade na cobertura mediática destes temas

fundamentais.

3. Campaña de sensibilización a nivel estatal:

Lanzarase unha campaña radiofónica e audiovisual dirixida a máis de dous millóns de

persoas en 11 comunidades autónomas. Esta iniciativa buscará dar visibilidade a

políticas públicas, proxectos cidadáns e iniciativas privadas que contribúen ao

cumprimentodos ODS, destacando especialmente os esforzos realizados desde o

ámbito local e rural.

Unha comunicación comprometida coas persoas e co planeta

Os medios locais non son simples transmisores de información; son espellos das súas

comunidades, puntos de encontro para o debate e a reflexión, e ferramentas clave para

promover o cambio social. Desde esta perspectiva, o proxecto Onda ODS e a

colaboración entre redes como EMUGA, EMA RTV, ReMC e XAL apostan por unha

comunicación que respecte a diversidade cultural e lingüística, ao tempo que actúe

como motor de transformación social.

Con esta nova edición de Onda ODS, estas emisoras propoñen dar un paso máis:

converterse en plataformas "glocais" que combinen o alcance global coas raíces locais,

garantindo que ningunha comunidade quede atrás na loita por un futuro máis xusto,

igualitario e sustentable.Santiago de Compostela, que simboliza o encontro de camiños e culturas, é o escenario

perfecto para dar forma a esta nova etapa. Desde aquí, a voz das radios locais e

comunitarias segue a abrir camiños cara unha sociedade máis consciente e

comprometida cos grandes retos que afrontamos como humanidade.