Radio Neria estará presente no Festival Artenauta da man de Miguel Vázquez Freire

 

Pintura e serigrafía ao vivo, obradoiros, documentais, danza, música, escultura ao aire libre, pintura, fotografía, teatro, poesía e outras actividades daranse cita na segunda edición do Festival Artenauta. E tamén radio! O Festival das Artes da Costa da Morte inclúe no seu programa un Espazo Sonoro da man de Miguel Vázquez Freire, creador do programa O Moucho Voa.

A cita, organizada por artistas e produtores culturais vencellados á vila de Corcubión, a través da Asociación Cultural Universidade Cromática das Virtudes, desenvolverase na vila de San Marcos esta fin de semana de 2, 3 4 de xullo, aínda que pode dicirse que comezou xa hai unhas semanas cunha serie de accións previas. 

Así, o venres, sábado e domingo entre as 18:00h e as 19:00 poderedes escoitar nas ondas do 107.8 da FM, e en Radio Roncudo, así como na rede, "Os sons de ninguén".

 

Xa están dispoñibles para escoitar as tres edicións. 

“O moucho voa” volve as ondas como Consultorio Filosófico

Nivelazo o que traen Miguel Vázquez Freire e compañía de novo as ondas das radios irmandadas da Costa da Morte. O programa sobre filosofía “O moucho voa” volve despois de varios meses de conversas comprometidas e profundas (tendes ata 28 programas feitos durante 2020) e faino con formato de Consultorio Filosófico.

Podedes enviar as vosas preguntas a radioneria@gmail.com ou comentando aquí mesmo ou na páxina de Facebook da radiONeria.

Este mércores arrincaba coa primeira emisión, e volverá cada mércores ás 20:30h. Aquí tendes a primeira entrega deste consultorio:

A Escola de Teatro de Fisterra grava “O crime da Orca Vella” na radiONeria

 

Como nos gusta ver a radio en acción. Por iso, ao grupo de colaboradores da emisora municipal de Corcubión nos encanta ver como a Escola de Teatro de Fisterra está a utilizar a emisora para preparar a súa nova obra. Dirixidas pola premiada actriz Marta Lado o elenco de actores fisterráns preparan unha obra moi especial.

As circustancias da pandemia obrigan ao grupo a convertir “O crime da Orca Vella” nunha obra de teatro lido. E aí están aproveitando as instalacións municipais do seu veciño concello, e a colaboración intestimable dos colaboradores que manteñen viva a emisora, para disfrutar desta singular experiencia radiofónica.

A obra está escrita e dirixida por Marta, o técnico de son é Óscar Rodríguez e a montaxe crreará a cargo de Diana R. Ramos.

Esperamos pois escoitar en breve ás Puri Insua, Ana Lourido, Sara Suárez, Lola Insua, Rosalía Mouzo, “A Chata” Castreje, Gema Insua, Amable Fernández, Modesta Insua e Fina Traba.

Hoxe non é onte!", o novo podcast para a mocidade dende a radiONeria

Paula Lorenzo e Antón Lestón na radiONeria

“Somos 3 colegas da mesma pandilla, e o podcast é coma se estivésemos falando nunha taberna”. Así nos presentan Antón Lestón, Paula Lorenzo e Nerea Díaz o novo podcast creado na comarca por “tres millenials que non teñen nin puta idea de nada”.

A iniciativa nace durante a última semana de restricións de hai un mes. “Sempre nos conectábamos para xogar, empezamos a falar sobre os podcast, e se nos ocorriu a idea de que hai moi poucos podcast feitos por e para xuventude. Ademais resulta curioso que dos 15 aos 30 anos a nosa xeración non consume este formato”, explica Lestón.

De aí nace a idea deste ”Hoxe non é onte” en ivoox (@hoxenonéontepodcast no Insta), un podcast sen guión, no que “falamos o que nos ronda a cabeza ese día, e seguro que ronda tamén polas cabezas de moitas rapazas. Preocupacións polo tema laboral, pola festa, a ansiedade…” 

Podes escoitar o programa nas dúas radios comunitarias da costa cada Venres as 20 horas.

Este Nadal máis espazos filosóficos con Miguel Vázquez Freire e María Bella

Despois da grata experiencia do verán na que poidemos comprobar que a filosofía está ao alcance de todos, a radio comunitaria volta para acoller os Encontros de Filosofía para Veraneantes V que este ano terán lugar no Nadal e que nos convocan a pensarmos na fenda da pandemia. Contaremos para ello cun bo número de invitadas e invitados activas no eido da filosofía. Presentan e coordinan a actividade Miguel Vázquez Freire e María Bella.

O 21 de Decembro as 17 horas e durante toda a semana a mesma hora, Encontros de Filosofía para Veraneantes V. Non os perdas!

Aquí vos deixamos a programación: