28 octubre 2024
21 octubre 2024
“Empeza por ti” a proposta de EMUGA para acadar os obxectivos da Axenda 2030.
O proxecto “Empeza por ti” liderado por Emisoras Municipais Galegas, EMUGA, co apoio da Deputación da Coruña, botouse a andar. A proposta traballará os Obxectivos de Desenvolvemento Sustentable recollidos na Axenda 2030 a través da programación de programas, pódcasts e “pílulas” radiofónicas que contribuirán á difusión dos ODS entre a poboación, sobre todo entre os máis novos ao propor novos xeitos de facer radio, como o podcast.
A radio local ao servizo da estratexia deseñada para o desenvolvemento deste ODS plantexados por Nacións Unidas no ano 2015 e que o planeta está traballando de xeito global e para que ninguén quede atrás.
O programa especial inaugural do proxecto emitíuse o pasado sábado 19 e contou con entrevistas que amosan proxectos exemplificadores de boas prácticas a nivel local que poden ter un positivo impacto non só nas colectividades que os acollen, senón tamén no conxunto da poboación como espello do que pode facerse a nivel local para traballar a favor da Axenda 2030.
Da man de Antonio Díaz, cociñeiro e propietario do negocio, Autga Autóctonas, que traballa con produtos locais e razas galegas, coñeciamos a experiencia de posta en valor e aproveitamento económico, da produción e difusión das razas de gando e variedades agrícolas autóctonas. Os nosos produtos locais son un valor en alza que compre apoiar e valorizar e que contribúe a fixar poboación e facilitar a posibilidade de que as zonas rurais recuperen o seu atractivo para novos moradores.
O programa para a creación dunha rede veciñal contra as violencias machistas, O Lavadoiro, tivo especial protagonismo no programa. Lucía Ríos e Silvia López, participantes como mulleres facilitadoras neste proxecto, contáronnos como O Lavadoiro, que xurde como unha proposta institucional pero que implica a mulleres e tamén homes para o seu desenvolvemento, está en plena transformación, consolidándose como un recurso imprescindible para a loita contra as violencias contra a muller.
Con este programa inaugural empeza o desenvolvemento do proxecto “Empeza por ti” que será emitido, durante os próximos meses, na programación compartida polas Emisoras Municipais Galegas. 25 emisoras locais que comparten o obxectivo común de contribuír ao desenvolvemento das sociedades nas que están instaladas e ser parte dese Obxectivo de Desenvolvemento Sustentable número 17, Tecer Alianzas para poder acadar os ODS, redes de colaboración sen as que sería imposible o desenvolvemento de calquera proxecto de participación cidadá como o que EMUGA ven de iniciar.
18 octubre 2024
ESTE SÁBADO, PROGRAMA ESPECIAL "EMPEZA POR TI", NAS EMISORAS MUNICIPAIS GALEGAS
Galicia tamén ten que coidar a auga. A crise hídrica afecta á metade da produción de alimentos e ao 8% do PIB mundial, segundo conclue a Comisión Global da Auga. Ainda que na nosa comunidade poida parecer que non falta o líquido elemento, os expertos alertan sobre os problemas de calidade. Será un dos elementos a abordar no programa especial “Empeza por ti”, que Emisoras Municipais Galegas emitirá o vindeiro sábado 19 de outubro coa colaboración da Deputación da Coruña. Faráse fincapé tamén na necesidade de optar por produtos de proximidade e pola economía circular.
11 junio 2024
“Documenta Hórrea” chega a Corcubión da man de Radio Neria.
Unha exposición arredor dos hórreos inaugurase este venres 14 de xuño ás sete e media da tarde no Centro Recreativo Cultural de Corcubión. Unha iniciativa impulsada por Radio Neria e o Concello de Corcubión, contando coa colaboración de Son Radio-fusión e EMUGA.. As cantareiras As Rinchonas actuarán no acto de inauguración da mostra. A través das fotografías de Xan Xe, das creacións de Juan Sobrino, Andrea Pena, Verónica Garcia, Alejandro Coedo, Malena Carballo e dos alumnos e alumnas de Laudas Calamity. Coa carpintería de Antonio García, e comisariada por Laura Bouza, a imaxe do hórreo volve ser o centro da arte, a verdadeira realidade.
No Casino poderemos desfrutar dunha exposición froito dun traballo de “descuberta” de hórreos localizados nunha zona de Ferrolterra, dos que un grupo de artistas consagrados, e outros en formación, teñen feito unha reinterpretación artística, a través de diversas técnicas, dunha das construcións máis emblemáticas da xeografía galega. A mostra está organizada por Son Radiofusión e o Laboratorio de Creación Artística Laudas Calamity coa colaboración do Concello de Corcubión a Deputación de A Coruña e do Centro Recreativo Cultural de Corcubión.
Os organizadores indican que “desde o punto de vista arquitectónico, o hórreo foi a dependencia máis importante da casa labrega, a de maior interese espacial e construtivo e na que se manifesta o sentido plástico e mesmo a fantasía. Constitúe, unha das achegas máis significativas á hora de conformar a paisaxe galega e un elemento peculiar da nosa xeografía”.
Un elemento arquitectónico referencial que recibe, ao igual que a choiva, nomes diferentes segundo as zonas e as súas feituras: cabaceira, cabaceiro, cabazo, canastro, canizo, celeiro, espigueiro, palleira ou piorno. Unha construción, á que, sen embargo, non se lle ten dado a importancia que se merece pero que empeza a ser reivindicado a través dun movemento (Rede Hórrea) que quere que se recoñezan os hórreos como patrimonio cultural inmaterial da humanidade. Ao fin estas singulares edificacións teñen sido protagonistas de lendas, ritos, traballos asociados e mesmo teñen propiciado celebracións musicais como as foliadas son parte da riqueza que rodea estas edificacións.
O acto de inauguración, cuxo acceso será libre e gratuíto, será a partir das 19,00 horas do venres 14 de xuño, nas instalacións do Casino de Corcubión, e contará coa actuación das Cantareiras As Rinchonas de Corcubión, así como a presenza de organizadores e autoridades.
A escritora Arantza Portabales, hoxe en Radio Neria.
06 junio 2024
O Conselleiro do Mar, hoxe en Radio Neria.
04 junio 2024
Maruxiña dos Queixos volve ás ondas de Radio Neria.
23 mayo 2024
Rubén Prieto hoxe en Radio Neria da man de Luis Corral en Chegar a bo Porto.
Esperámosvos ás 11:00 e ás 21:00 no 107.8 da FM e na web, en www.radioneria.blogspot.com e www.zeno.fm/radio/radio-neria/
21 mayo 2024
"O mellor amigo do home" centra a tertulia de hoxe en Radio Neria.
16 mayo 2024
Anxo Rodríguez, director do programa VIVIR O MAR da Galega, hoxe en Radio Neria
15 mayo 2024
A Intelixencia Artificial, hoxe en Radio Neria
11 mayo 2024
A Tenda-Galería STOUPA visita Falar sen Cancelas.
Sábado 11 de maio. Como cada sábado, Pepe Formoso abre o seu programa FALAR SEN CANCELAS para a nosa audiencia. Hoxe, conversa con Begoña Fernández Paz, xerende de Stoupa, Tenda-Galería de Arte e Artesanía 100% Costa da Morte, ubicada en Cee.
10 mayo 2024
Hoxe, en Radio Neria, CARNE CRUDA desde as acampadas contra o xenocidio.
A programación de hoxe segue a virar sobre a masacre que se está a cometer en Palestina. O programa CARNE CRUDA fai un directo desde as acampadas estudiantís contra o xenocidio en Palestina. E tamén temos unha nova edición de BOOMERS A CONCIENCIA, hoxe con "Mostrar, non contar"
Esperámosvos a partir das 11:00 e ás 21:00 no 107.8 da FM e na web, en www.radioneria.blogspot.com e www.zeno.fm/radio/radio-neria/
09 mayo 2024
O EMPRESARIO CORCUBIONÉS, RAFA FUENTES, HOXE EN CHEGAR A BO PORTO.
07 mayo 2024
Martes 7 de maio. Hoxe arrancamos cunha nova edición de DISQUE, na que Maruxiña dos Queixos volverá para darlle un bo repaso á actualidade informativa. Despois, O RECUNCHO DO ESTUDANTE coas nosas rapazas de Fisterra: Aloia, Irene, Carla e Valeria. E para rematar, MUNDOFONÍAS, hoxe con: Transglobal World Music Chart: Mayo 2024.
Esperámosvos a partir das 11:00 e ás 21:00 no 107.8 da FM e na web, en www.radioneria.blogspot.com e www.zeno.fm/radio/radio-neria. E lembrade que se non podedes escoitarnos en directo, tamén temos tódolos nosos contidos subidos a Ivoox e Spotify.
06 mayo 2024
04 mayo 2024
CHÍOS AO MENCER, este domingo, ás 7:30 da mañá, en Radio Neria.
02 mayo 2024
30 abril 2024
29 abril 2024
Presentación literaria de Lola Rontano en Radio Neria
27 abril 2024
Sábado 27 de abril. Hoxe temos unha cita con Pepe Formoso en FALAR SEN CANCELAS. No programa de hoxe Pepe conversa con Adhara Caamaño, cantante de Adhara&Ritman.
25 abril 2024
A CONFRARÍA DE PESCADORES DE LIRA, HOXE EN RADIO NERIA
Xoves 25 de abril. Hoxe, en CHEGAR A BO PORTO, Luis Corral desprázase ata Lira para falar con Mariano Lago, patrón maior da confraría de Lira. Despois, un momento para a poesía con Manuel Oliveira Gómez, "Manolín", en REALIDADE E SOÑOS. E para rematar, MUNDOFONÍAS, hoxe con: Cumbiando y flamenqueando.
Esperámosvos a partir das 11:00 e ás 21:00 no 107.8 da FM, e na web en www.radioneria.blogspot.com e www.zeno.fm/radio/radio-neria/
23 abril 2024
Martes 23 de abril. Hoxe abrimos a programación de Radio Neria da man de Maruxiña dos Queixos e o seu DISQUE. Despois, O RECUNCHO DO ESTUDANTE, hoxe Aloia, Valeria, Carla e Irene falan sobre... O Tempo!. E para rematar, MUNDOFONÍAS, con: Ramillete de Raíces.
Esperámosvos a partir das 11:00 e ás 21:00 no 107.8 da FM e na web, en www.radioneria.blogspot.com e www.zeno.fm/radio/radio-neria/
18 abril 2024
17 abril 2024
Mércores 17 abril. Arrancamos a nosa programación de hoxe con ABRETEDEORELLAS. Pepe Cunha tráenos temas de @maikamakovski @o_sonoro_maxin ou @braismoran_nasaufunk. E despois, CARNE CRUDA, hoxe con: Piratas de la vivienda: los grandes especuladores.
Empezamos, coma sempre, ás 11:00 e retomamos ás 21:00 no 107.8 da FM e na web, en www.radioneria.blogspot.com e www.zeno.fm/radio/radio-neria/