O FALADOIRO DE ARTES ESCÉNICAS chega a Radio Neria.
A actriz e creadora fisterrá, Mariña Lestón, trae á programación de Radio Neria un novo programa: O FALADOIRO DE ARTES ESCÉNICAS, un programa no que conversará con protagonistas das Artes Escénicas de Galicia.
O programa arranca este mércores e terá unha periodicidade mensual. No seu primeiro capítulo, Mariña Lestón conversa con Xesús Ron e Patricia de Lorenzo, do grupo Chévere, un dos referentes da creación escénica en Galicia e que no 2014 foron recoñecidos co Premio Nacional de Teatro.
