As "xoias" do UC Cee pasaron pola radiONeria

Dous dos homes clave do UC Cee, o pasado domingo no Campo de Sampaio de Refoxos, pasaron pola radiONeria para valorar o encontro e ofrecernos as súas predicións de cara ao choque definitivo. Namentres que Rivi é unha peza clave do conxunto da Xunqueira no medio do campo, Parroto (ou para moitos San Parroto xa) é o responsable de que o Cee aínda teña opcións de facerse coa Copa, i é que o gardamallas parouno práticamente todo o pasado domingo. Rivi e Parroto foron branco dunhas cantas preguntas por parte do noso compañeiro Fran Lago.

Parroto: "Está complicado, pero nós xa sabiamos que en Dumbría teriamos que marcar"

• Fuches o heroe do partido...

Bueno, parece que si, pero creo que é mérito de todos.

• ¿Como viches o encontro?

Complicado. Dominaron eles pero nós chegamos alí nunha, marcamos, e despois a aguantar.

• ¿Que agardas do partido de volta?

Está complicado, pero nós xa sabiamos que alá iamos ter que marcar, polo que non cambian moito os plans.

• ¿Como está o vestiario?

Ben. Está contento e alegre. Esperando o partido de volta.

• Escoitar as verbas de Parroto

Rivi: "Ao Dumbría non lle pasou moita factura a longa tempada"

• ¿Como foi o encontro do domingo?

Foi moi difícil. Ao principio tivemos un par de ocasións pero a segunda parte foi deles, e máis despois da expulsión de Chapu.

• ¿Como viches o Dumbría?

Bastante ben. Físicamente estaban moi ben. Semella que a longa tempada non lle pasou moita factura. Penso que estaban mellor ca nos.

• ¿Como ves as cousas para a volta?

Vai ser difícil, pero nunca se sabe. Hai que loitalo e a ver que pasa, non se sabe.

• Escoitar as verbas de Rivi