Este luns 22 de maio, ás 20:00, celebraremos o debate electoral entre tódolos candidatos á alcaldía de Corcubión. O debate levarase a cabo na Casa da Cultura de Corcubión e está aberto a todo o público que queira asistir. Tamén será retransmitido polo 107.8 da FM, pola nosa web www.radioneria.blogspot.com e pola nosa canle de youtube.
Este pasado 17 de maio, inmellorable data para presentar a nova programación da radiONeria. Da man de Toño Casais, canteira da emisora dende os 14 anos, a emisora volve estar activa, como se demostrou na presentación celebrada na Capela do Pilar.
Xentes de Boca de Sapo, da Biblioteca, estudantes, colaboradores anónimos, ex membros da casa, xentes do mar… acodiron para ver esta nova singradura da emisora da vila de San Marcos.
Durante o acto, lembráronse de Iván Pereira e Óscar Rey Calo, voluntarios que levan mantendo viva a emisora durante a última década.
Este luns 22 de maio, ás 20:00h, a Casa da Cultura de Corcubión acollerá un debate electoral con todos os candidatos. Un evento aberto ao público.
A programación de Radio Neria vai ser de Luns a Venres, de 11:00 a 12:00 e repetirase esa programación de 21:00 a 22:00
LUNS:
- 11:00 Coidando a Saúde
- 11:30 Que les, Corcubión?
MARTES:
-11:00 Disque
-11:30 O Curruncho do estudante.
MÉRCORES
-11:00 Cerna
-11:30 Faros.
XOVES
-11:00 Chegar a bo porto
-11:30 Realidade e Soños.
VENRES
-11:00 Axenda deportiva
-11:30 O moucho e os mitos.
SÁBADO
-11:00 Falar sen cancelas.
Tendes toda a info e podedes escoitar a radio en directo en radioneria.blogspot.com e tamén os teredes en ivoox.
Ardentía, A Rumboia, Ecoloxía con Radio Cerna, Ciberclick, Chill Pop, La Hora del Comején, Realidade e Soños, Escrita, Democracy Now, Ciencia es, Sempre en Galicia, O Moucho voa, Neria Semanal, Fórmula 11, Aires Celtas, Ábrete de orellas, Que suenen las bandas e Palco de Estrelas.
Como novidade, a partires do 19 de setembro teremos un programa adicado á loita contra o cambio climático.
O proxecto ONDA ODS arrancará en Galicia cun programa de radio en directo realizado por Radiofusión dende o CEIDA, o centro de educación ambiental referencia na nosa comunidade situado no Castelo de Santa Cruz en Oleiros. O vindeiro xoves 15 de setembro, Pablo García (Radio Estrada) e Susana Falcón (Radiofusión) conducirán a presentación dun espazo radiofónico entre as nove e as once da mañá. Os obxetivos de desenvolvemento sostible e as iniciativas que traballan dende Galicia a prol da Axenda 2030 protagonizarán ese tempo de radio. Programa de entrevistas sobre medio ambiente, cambio climático, reportaxes e música en directo. Este proxecto mediático e audiovisual pretende levar a cabo dende o local unha estratexia de comunicación que sensibilice á cidadanía e fomente a reflexión e o debate ao redor de retos fundamentais para calquera cidadán.
Coa emisión deste programa en directo de dúas horas de duración poñeremos a primeira pedra para dar voz a todas aquelas persoas que están a traballar estes valores dende os diferentes municipios galegos, a través 30 programas informativos de dez minutos e 30 podcast en formatos de cápsulas de dous minutos.
Acabar coa pobreza, facer fronte á emerxencia climática e ambiental, pechar a brecha de xénero e poñer fin a discriminación, superar as ineficiencias dun sistema económico excesivamente concentrado, poñer fin á precariedade laboral, reverter a crise dos servizos públicos, acabar coa inxustiza global, revitalizar o noso medio rural e afrontar o reto demográfico serán as cuestións abordadas neste proxecto no que queremos que tódalas emisoras municipais galegas teñan cabida coas iniciativas dos seus concellos e a súas áreas de influencia.
Desexamos dar voz aos vosos proxectos e invitamos á audiencia a escoitar este programa que será o punto de partida dun proxecto de unión e colaboración entre as Emisoras Municipais Galegas (EMUGA-RADIOFUSIÓN), as Emisoras Municipales de Andalucía (EMA), La Xarxa – Radio Televisión Cardedeu (Cataluña) e a Rede Estatal de Medios Comunitarios.
Se queredes coñecer máis cousas sobre as características desde proxecto podedes visitar a web https://ondaods.org/ e tamén seguir os perfiles de ONDA ODS nas distintas redes sociais (Twitter, Facebook e Instagram)
ONDA ODS emitiráse todos os dias ás nove da mañá e ás nove da noite de luns a venres dende o 19 de setembro.
Miguel Vázquez Freire volve ás ondas da radio municipal de Corcubión cunha nova serie de conversas con filósofos e autores de libros de ensaio e pensamento galegos. Serán conversas longas, demoradas, que irían aparecendo semanalmente en varias entregas mais en todo caso editadas de tal xeito que cada entrega non se prolongue alén dos 30 minutos.
A diferenza das conversas que emitimos nos programas anteriores do Moucho, a idea é coidar algo máis as pausas musicais.
O primeiro entrevistado é alguén que xa pasou polas ondas da emisora, Brais Arribas, filósofo, ensaísta e profesor galego, que vén de publicar o seu último libro Transhumanismo: Tecnociencias e antropotecnias (Euseino?, 2021)
O programa emitirase cada mércores ás 20:30h no 107.8FM nas terras de Fisterra, e neste mesmo blog para todo o mundo.
