5/10/20

“O moucho voa”, novo programa na radiONeria

Xa o puidemos escoitar no marco do Festival Artenauta. E por sorte, aquela semente botada na emisora municipal de Corcubión agroma e se convirte nun novo programa das radios irmandadas da Costa da Morte, a radiONeria e Radio Roncudo.

Falamos do mestre Miguel Vázquez Freire, que afianza a súa proposta das píldoras filosóficas no programa “O moucho voa” cada semana dende este mércores 7 de outubro, ás 20:30h.

“O moucho voa” será un programa de 10-15 minutos, e contará con voces singulares da comarca, que lle axudarán a poñer en escea situacións nas que a filosofía nos axuda a repensar. Ademais, terá na parte técnica, o apoio de Óscar Rey Calo e Iván Pereira, dous dos colaboradores que manteñen viva a emisora municipal de Corcubión.

10/8/20

O Festival Artenauta comeza na radiONeria

 Este domingo comezaban as actividades do ambicioso Festival Artenauta. O Festival das Artes da Costa da Morte terá nesta fin de semana o seu gran momento, pero durante a semana poderemos ir degustando as primeiras pezas artísticas. Neste caso falamos de cápsulas radiofónicas que Miguel Vázquez Freire está deixando nas ondas da radiONeria, coa colaboración aos mandos de Óscar Rey Calo e Iván Pereira, dous dos colaboradores que manteñen viva a emisora municopal de Corcubión.

Son 10 minutos de pensamento sobre “o fermoso, o feo e o valioso na Arte”, emitidas en directo ás 20:00h dende este domingo 9 ata o vernes 14 de agosto, dando resposta a preguntas como a distinción en “a alta cultura da arte popular”; sobre “que hai de común entre o canto das Xaviñanas e unha cantata de Bach”; ou “por que un británico do século XIX gozaba da paisaxe do cabo Fisterra que os fisterráns nin sequera miraban?

Escoita os diferentes espazos:

Charla 1:

Charla 2:

Charla 3:

Charla 4:

Charla 5:

Charla 6:

Charla 7:


Novas relacionadas

27/11/19

O Cole de Dumbría disfrutou dun completo Taller na radiONeria


O alumnado do CEIP Santa Eulalia de Dumbría disfrutou dun completo Taller de Radio que artellou o coordinador do centro Luís Dopico e os colaboradores da emisora, coa colaboración do Centro de Formación e Recursos da Coruña.

23/11/19

radiONeria e QPC unen á 4 asociacións feministas co gallo do 25N

Co 25 de novembro, Día Internacional contra a Violencia de Xénero, o equipo de QPC e da Radio Neria, artellamos a nosa Tertulia Violeta na que participaron representantes das catro asociacións feministas da Costa da Morte.

A Terturlia Violeta sairá tamén nas radios irmandadas da Costa da Morte (radiONeria e Radio Roncudo o sábado ás 11.00h. o domingo ás 12.00h e o propio luns 25 de novembro ás 10.00.

3/4/19

Radio Roncudo e radiONeria levan as ondas ao CEIP Mar de Fóra



Semanas de radio escolar. A pasada semana as radios irmandadas da Costa da Morte trasladábanse ao CEIP Mar de Fóra. Ubaldo Cerqueiro, colaborador da radiONeria e Radio Roncudo levaba a emisora ao centro fisterrán para facer un taller co alumnado de 3º e 4º de Primaria.