Hoxe luns comezamos coa emisión dos podcast de ONDA ODS, un proxecto levado a cabo pola EMA, Asociación de Emisoras de Radio e Televisión Municipais de Andalucía, a REMC, Rede Estatal de Medios Comunitarios, EMUGA Emisoras Municipais galegas e RTV Cardedeu La Xarxa. Un proxecto no que participa Radio Neria coa elaboración e emisións dos podcasts. Despois continuamos coa programación habitual de cada luns: COIDANDO A SAÚDE, hoxe coa matroa Jessica Maneiro. QUE LES, CORCUBIÓN? no que aproveitamos para emitir a presentación do libro de Robertro Traba que tivo lugar o pasado venres na biblioteca municipal. E para rematar, CARNE CRUDA, no que a xornalista Ángeles Caballero, fala do libro "los parques de atracciones también cierran", un retrato propio que tamén é un cadro fidedigno da realidade española.

Aí estamos, no 107.8 da FM, e na web, en www.radioneria.blogspot.com

    A preocupación polo coidado do planeta é un dos motores do programa Onda ODS que o vindeiro luns comezará a emitir Radio Neria, conxuntamente con outros 240 medios locais do Estado. Falarase de prácticas respectuosas co medio ambiente. Os contidos pretenden achegar ao local os Obxectivos de Desenvolvementno Sustentables (ODS) definidos pola ONU en 2015. 

    Poñeráse especial atención á igualdade de xénero, cambio climático, promoción da agricultura ecolóxica e da artesanía, redución de residuos plásticos e á loita por unha educación de calidade. Ademáis dos programas -con formato reportaxe e duns dez minutos de duración- a iniciativa Onda ODS Empeza por ti, tamén propoñerá aos ointes da radio local a formulación de retos individuais que vaian na liña dos obxectivos marcados. 

    Ademáis do espazo radiofónico e dos pódcast, os retos individuais irán acompañados de actividades na liña de fomentar hábitos sustentables para a consecución da Axenda 2030 e ao tempo visibilizar boas prácticas existentes na comarca. 

    Onda ODS empeza por ti é unha iniciativa conxunta de Emisoras Municipais Galegas, Emisoras Municipales de Andalucía, La Xarxa de Catalunya e a Rede de Medios Comunitarios. Continua un proxecto xa iniciado en 2022 e conta coa axuda do Ministerio de Dereitos Sociais e Axenda 2030.

 

Máis información: www.ondaods.org

 

     Hoxe temos na nosa programación a unha protagonista moi especial, a escritora ceense Concha Blanco. Desde as 11:00 da mañá, Pepe Formoso conversará en FALAR SEN CANCELAS coa escritora e mestra xubilada, facendo un percorrido pola súa vida, as súas lembranzas e experiencias. 

 Venres completo na nosa programación. Comezamos con CERNA, o boletín informativo da Asociación Ecoloxista ADEGA. Despois imos falar sobre o Certame de Teatro Afeccionado que arranca esta fin de semana en Corcubión con Marina Gómez, de Farándula Velutina. E falaremos tamén con María Bella, Concelleira de Cultura de Corcubión sobre o Certame de Teatro Afeccionado e da presentación que vai ter lugar esta tarde na biblioteca de Corcubión. Logo un tempo para AS CONVERSAS DO MOUCHO. Miguel Vázquez Freire tráenos a segunda parte das conversas con Francisco Conde. E para rematar, CARNE CRUDA con "Amnistía, todo lo que necesitas saber". Quen dá máis?

Hoxe , a partir das 11:00 e repetimos ás 21:00

PROGRAMA ESPECIAL "ONDA ODS. EMPEZA POR TI."DESDE A CAPELA DO PILAR DE CORCUBIÓN.

 “Onda ODS. Empeza por ti” comezará en Corcubión o sábado 30 de setembro cun programa de radio en directo e con público desde a antiga capela do Pilar. O espazo prolongarase entre as 10 da mañá e a unha do mediodía contando coa participación do movemento asociativo da comarca. Radio Neria súmase así á iniciativa de 240 medios locais para sensibilizar contra o cambio climático e por un mundo máis xusto.

Divulgarán os Obxectivos de Desenvolvemento Sustentábel fixados pola ONU para a defensa das xeneracións futuras. “Estamos nun punto de inflexión das civilizacións e debemos coidar a saúde do planeta e tamén a da rapazada, da xente maior e de todos os países do mundo” afirman os promotores da iniciativa. Grupos en Corcubión, Fene e Moeche intentarán trasladar á vida cotiá os grandes obxectivos da humanidade. Realizarán podcasts e programas audiovisuais en torno a esa temática sempre co telón de fondo da participación cidadá. 

“Onda Ods. Empeza por ti” é unha iniciativa de Emisoras Municipais Galegas, Emisoras Municipales de Andalucía, RTV Cardedeu La Xarxa de Catalunya e a Rede de Medios Comunitarios. Conta coa axuda do Ministerio de Dereitos Sociais e Axenda 2030.

 

Representantes das emisoras municipais do estado reúnense en Corcubión

 

Representantes das redes de radios locais do estado reuniranse este xoves en Corcubión. Radio Neria actuará como anfitriona nun evento no que participarán as Emisoras Municipales de Andalucia, RTV Cardedeu- La Xarxa de Catalunya, Emisoras Municipais Galegas e a Red de Medios Comunitarios. EMUGA coordena esta reunión onde os representantes das redes examinarán a marcha do proxecto “Onda Ods Empeza por ti” que desenvolven de xeito conxunto desde o pasado mes de abril. A xornada desenvolverase ao longo do xoves na Casa da Cultura de Corcubión.

Tanto Toño Casais (Radio Neria) como Henrique Sanfiz (Radiofusión) expuxeron no pasado mes de xuño a intención de transformar a radio local nun centro de produción de audio e nun punto dinamizador da comunicación na comarca. Nunha xuntanza co movemento asociativo, celebrada no Clube Marítimo Carrumeiro, repartíronse exemplares de "Comunicándonos. Guía práctica para a elaboración de contidos audiovisuais e pódcast relacionados cos Obxectivos de Desenvolvemento Sustentábel". "Onda Ods Empeza por ti" é unha iniciativa das Emisoras Municipais de Andalucía en colaboración coas Emisoras Municipais Galegas, a Xarxa de Catalunya e a Rede de Medios Comunitarios. Conta coa axuda do Ministerio de Dereitos Sociais e Axenda 2030.

Na xuntanza de xuño tamén se falou do exitoso pódcast "Lo que tu digas" impulsado polo mozo natural de Corcubión Alex Fidalgo que xa supera os 10.000.000 de descargas e que conta con 280.000 seguidores en YouTube, 190.000 en Instagram e 10.000 en Twitter.

PRESENTACIÓN DA GUÍA "COMUNICÁNDONOS" NO CLUB MARÍTIMO CARRUMEIRO

 

  Corcubión é "territorio podcast" segundo se puxo de manifesto na presentación da guía "Comunicándonos", impulsada polas Emisoras Municipais Galegas, dentro do proxecto Onda ODS. Máis de vinte entidades participaron no acto e interviron nun animado coloquio arredor da necesidade de comunicar máis e mellor coa sociedade. A igualdade de xénero, unha educación de calidade, o viño, a agricultura ecolóxica e a alerta pola expansión sen planificación dos muíños eólicos foron algunhas das preocupacións expostas que se poderán traducir en diferentes pódcast e campañas de sensibilización na segunda metade deste ano.
Nun prazo de quince días haberá unha nova reunión na que se concretarán as iniciativas a levar a diante. Tanto Toño Casais (Radio Neria) como Henrique Sanfiz (Radiofusión) expuxeron a intención de transformar a radio local nun centro de produción de audio e nun punto dinamizador da comunicación na comarca. Ao remate do evento repartíronse exemplares de "Comunicándonos. Guía práctica para a elaboración de contidos audiovisuais e pódcast relacionados cos Obxectivos de Desenvolvemento Sustentábel". "Onda Ods Empeza por ti" é unha iniciativa das Emisoras Municipais de Andalucía en colaboración coas Emisoras Municipais Galegas, a Xarxa de Catalunya e a Rede de Medios Comunitarios. Conta coa axuda do Ministerio de Dereitos Sociais e Axenda 2030.
Na xuntanza, celebrada no Clube Marítimo Carrumeiro na tarde do pasado venres tamén se falou do exitoso pódcast "Lo que tu digas" impulsado polo mozo natural de Corcubión Alex Fidalgo que xa supera os 10.000.000 de descargas e que conta con 280.000 seguidores en YouTube, 190.000 en Instagram e 10.000 en Twitter.

 O BNG gaña as eleccións en Corcubión

A formación nacionalista, liderada por Xabier Domínguez, consegue catro concelleiros nunhas eleccións municipais marcadas pola derrota do Partido Socialista e a posible desaparición do pleno municipal de PACOR, a formación liderada por Ramón Rojo. Estes foron os resultados:

BNG- 4 Concelleiros

PSOE- 2 Concelleiros

PP- 2 Concelleiros

SC- 1 Concelleiro

Falta confirmar o resultado pola Xunta Electoral xa que foi impugnado polo candidato do PACOR ó considerar que un dos votos obtidos polo PP estaban supostamente alterado e debía ser anulado. De producirse este cambio, podería chegar a darse a circunstancia de que un dos edís obtidos polo PP pasase a mans do PACOR.

Agora toca o tempo de negociacións e achegamentos a posibles pactos de goberno ou investidura.

 

Este luns 22 de maio, ás 20:00, celebraremos o debate electoral entre tódolos candidatos á alcaldía de Corcubión. O debate levarase a cabo na Casa da Cultura de Corcubión e está aberto a todo o público que queira asistir. Tamén será retransmitido polo 107.8 da FM, pola nosa web www.radioneria.blogspot.com e pola nosa canle de youtube.

Arrincou a nova temporada de radiONeria

Este pasado 17 de maio, inmellorable data para presentar a nova programación da radiONeria. Da man de Toño Casais, canteira da emisora dende os 14 anos, a emisora volve estar activa, como se demostrou na presentación celebrada na Capela do Pilar. 

Xentes de Boca de Sapo, da Biblioteca, estudantes, colaboradores anónimos, ex membros da casa, xentes do mar… acodiron para ver esta nova singradura da emisora da vila de San Marcos.

Durante o acto, lembráronse de Iván Pereira e Óscar Rey Calo, voluntarios que levan mantendo viva a emisora durante a última década.

Debate electoral

Este luns 22 de maio, ás 20:00h, a Casa da Cultura de Corcubión acollerá un debate electoral con todos os candidatos. Un evento aberto ao público.

Programación

A programación de Radio Neria vai ser de Luns a Venres, de 11:00 a 12:00 e repetirase esa programación de 21:00 a 22:00

LUNS:
- 11:00 Coidando a Saúde
- 11:30 Que les, Corcubión?

MARTES:
-11:00 Disque
-11:30 O Recuncho do Estudante.

MÉRCORES
-11:00 Cerna
-11:30 Faros.

XOVES
-11:00 Chegar a bo porto
-11:30 Realidade e Soños.

VENRES
-11:00 Axenda deportiva
-11:30 O moucho e os mitos.

SÁBADO
-11:00 Falar sen cancelas.

Tendes toda a info e podedes escoitar a radio en directo en radioneria.blogspot.com e tamén os teredes en ivoox.