23/12/12

NADAL EN FAMILIA

VIVE O NADAL EN FAMILIA... NA RADIO NERIA



O martes de 19h00 a 22h00 non cambies de emisora e vive con nós o Nadal.
A radiOneria traeche este ano un especial cheo de sorpresas no que repasaremos algunhas dos mellores acontecementos do 2012. 

Vive con nós o Nadal.

17/10/12

Aurora dos Camiños, o novo programa de entrevistas en radiONeria


Comeza esta fin de semana un novo programa en radiONeria... "Aurora dos camiños", un programa fundamentalmente de entrevistas, e música... Tralo micro estará Marta Rey, que chega directamente da Rectoral de San Martiño de Ozón que vén de recuperar a Cooperativa Albergue Auroras del Camino.

O programa soará os domingos de 12:00h a 13:00h e os mércores de 16:00h a 17:00h.

16/10/12

Volve Radio Roncudo


radiONeria e Radio Roncudo, as radios comunitarias da Costa da Morte


Boas novas para as emisoras de radio da Costa da Morte. Radio Roncudo despois de varios meses, volve emitir no 106.1 da FM. Sen dúbida unh gran nova para Corme e para toda a comarca de Bergantiños. E tamén para a comarca de Fisterra, pois a emisora libre comparte emisión coa radio municipal de Corcubión, a radiONeria.

13/9/12

Fórmula Neria, 4ª tempada do programa das cancións dedicadas



Naceu en Xullo do 2008 como un programa musical dunha hora de duración no cal se poñían as cancións do estilo Pop máis actual xunto con algunha mención o pasado. Estivo durante un ano emitíndose as 4 da tarde do sábado.

Xa no 2009 pasa a emitirse unha hora máis tarde, dende as 17h. Iván Pereira iniciaba unha nova tempada cun cambio de formato, novos estilos musicais, seccións e entrevistas. Fórmula Neria convertíase no programa das cancións dedicadas.

Na actualidade, Fórmula Neria leva xa 4 tempadas en antena e cada vez son máis os ouvintes que se conectan cada tarde de sábado para escoitalo. Un espazo de radio no que o importante é a persoa que está o outro lado da radio ou da rede xa que ten a oportunidade de dedicar cancións e mandar saúdos a través do teléfono 981746701 e a través das redes sociais.

Redes Sociais:

En tuenti podes agregalo como Formula Neria Radio.

No Facebook Formula Neria ten creada unha páxina oficial no que cada semana se colgan os programas emitidos e novedades musicais.

Tamén está en Twitter, o podes atopar como @Formulaneria.

Horario:

Os Sábados de 16:00 a 19:00 horas (Directo)

Os Xoves de 21:00 a 24:00 horas (Repetición)

Presentado por:

Iván Pereira

Descarga o programa da pasada fin de semana:

Escoitar Formula Neria (22-06-2013).

Descarga anteriores:
    ! RadiONeria 107.8 Fm e Radio Roncudo 106.1 Fm !

    11/7/12

    Unha viaxe emigrante en verso con Manolín



    Emprendemos hoxe unha nova viaxe por un tema, que a pesar de ter tintes históricos, está de auténtica actualidade: a Emigración forzosa en Realidade e Soños. Hoxe, como cada mércores Manolín achegamos poesías dos poetas Manuel Curros Henriquez, Xoán Xose Fernández Abella, Pablo García Casado, Antonio Gamoneda, Mario Benedetti, Angela Ballvey e Ricardo Molina, acompañadas da música do arxentino Facundo Cabral. 


    Xa poden descargar o seu programa:

    Realidade e Soños


    Os mércores, ás 23:00h da noite, e os venres ás 14:30h, as ondas da radiONeria e Radio Roncudoinúndanse de poesía. Aí está Manolín coa súa Realidade e Soños, un programa cheo de pasíón, cheo de emoción, cheo de tenrura.

    21/6/12

    Programación en Directo

    Enlace 1:
    Enlace 2:

    14/6/12

    Avoa, como nos metemos nunha radio por dentro?

    Esa foi a pregunta que o pequeno Diego lle fixo á súa avoa, Isabel Tomé, cando esta lle contaba que ían "visitar a radio por dentro". Claro, o pequeno, de apenas 3 aniños, non entendía o proceso...
    Pero acabou entendéndoo, tras visitar, cun grupo de alumnos dos CEIP dos Muíños as instalacións da radiONeira, a radio municipal de Corcubión. Emisora na que ademais, a propia Isabel participaba activamente como a brava Maruxiña dos Queixos (canto a botamos de menos...).

    Aló chegaron, despois de pasar por un farmacia en Dumbría, para saber que se coce nunha radio. Entraron sen escachar nada, e o primeiro que fixeron foi regalarnos unha serie de debuxos que eles mesmos fixeron e que xa serven para decorar a emisora por dentro, e para ilustrar a redacción e a portada do noso Facebook. Que alegría ver aos locutores da radiONeria debuxados por estes artistas!!

    Así, e da man dos colaboradores da emisora Saulo Pose e Ubaldo Cerqueiro, descubriron a redacción, a sala de control, e a "peixera", e de como é posible que poidamos escoitar o que chega ata as nosas casas a través do pequeno aparello.

    Aló se meteron, a tocar todos os botóns, a berrar polos micros... pero tamén nos deixaron outra sopresa: gravaron o conto da Ratiña presumida coa axuda da mestra Cristina!!! Vaia marabilla!!

    Así que descubriron como se pode entrar dentro dunha radio sen necesidade de escachar nada!
    Ata a vindeira visita!

    Pero antes de marchar, aquí vos deixamos cun detalle sonoro da visita, do conto da Ratiña e de como entonan o lema da emisora: radiONeria, é un falar!!!

    Ir a descargar

    11/6/12

    I Festival radiONeria: Unindo Corcubión

    De éxito total podemos catalogar o I Festival radiONeria. Máis de 250 persoas case que ateigaron a Casa da Cultura de Corcubión para disfrutar cas actuacións de todos os grupos representativos da vila de San Marcos.

    Maxistramente organizada e dirixida por Saulo, Sarah e Joanna, presentadores do programa Un máis un, a Gala durou dúas horas sen cansar, pasando do baile, á coral, pasando polas pandeiretas ou a poesía, con tempo, e todo, para os sorteos.
    Moitos terían que aprender desta activa mocidade nas galas máis importantes do país, e como fiaron actuación e actuación coa voz en off de históricos como Marco Antonio Sande dan conta de que a canteira está asegurada.

    Abriron os máis pequenos do Grupo de Baile Nerio, arrincando aplausos e risas das butacas. E dos máis novos, aos maiores, pois foron os membros da Coral Airiños de Quenxe os que tomaron o relevo e alzaron a voz.

    Como dicimos, houbo tempo para os sorteos e se regalaron varios libros da Librería Ler, que por certo as súas representantes fixeron unha fermosa lectura de textos de Eduardo Galeano, Carnicería Antelo, a EMPRECOR e mais o Hotel El Hórreo.

    Saltaron ao escenario os medianos do Baile Nerio e de seguido Manolín trouxo un par de poesías da súa autoría ademais dunha lembranza a Gonzalo López Abente.

    Fixeron resoar as pandeiretas en todo Corcubión as bravas de Millo Verde, xa toda unha referencia non só na vila, se non en toda a comarca. Para dar paso aos maiores do Baile Nerio.

    Foi Dolores Oliveira, unha das máis queridas na vila, a que puxo a última nota coa súa excepcional voz (25 anos gañándose a vida en misas e bodas do país o refrendan) para pechar por todo o alto este I Festival radiONeria.
    Foto de familia e xa pensando no ano que vén.

    14/5/12

    A radiOneria xa ten preparado o seu primeiro Festival

    A emisora municipal de Corcubión, prepara xa o I Festival da radiONeria, para o sábado 9 de xuño no Salón de Actos da Casa da Cultura de Corcubión.

    Será un acto que aglutinará a todas as forzas vivas de Corcubión. Unha gala con música, sorteos, baile, poesía... para desfrutar dos máis de 20 anos que levamos preto de ti.

    Polo escenario pasarán as Pandereteiras "Millo Verde", o poeta Manolín, o grupo de Baile Nerio e a Coral Airiños de Quenxe, ademais da lectura dun fragmento de libro por Lola Solano e do broche final, que o porá Dolores Oliveira, que coa súa fantástica voz pechará este I Festival da RadiOneria.
    Sen esquecernos, claro, dos múltiples premios que sortearemos gracias á colaboración de Carnicería Antelo.

    O sábado 9 de xuño, non podes faltar ao I FESTIVAL DA RADIO NERIA, na Casa da Cultura de Corcubión ás 20:30h.

    ***Entrada gratuita***

    30/4/12

    O novo programa de cociña da Radio Neria chámase "A XANTAR"

    Chega un novo de programa de cociña a Radio Neria. Neste espazo, Irma Rodríguez e Sagra Canosa nos achegarán as mellores receitas para cociñar a comida, e tamén algún que outro postre.

    "A XANTAR!!!"

    Cantas veces non dicimos esa frase? Pois agora imos repetila cada luns e cada venres ás 13.30h, no 107.8 do fm e a través de internet.

    Presentado por:

    Irma Rodríguez e Sagra Canosa

    Horario de emisión:

    Luns e Venres ás 13:30h

    Descarga de programas:

    28/3/12

    Volta O Fantasma Accidental



    Nova tempada do programa conducido por Jose Lemur.

    Esta primaveira volta cun novo formato O Fantasma Accidental centrándose exclusivamente na música independente feita en Galiza. Soaran as bandas emerxentes de calquera xénero musical e darase conta da actualidade discográfica e dos concertos e festivais que acontezan na nosa xeografía.

    A efervescente escea independente galega ten calidade e cantidade e é por iso que OFA será un programa de radio onde se fale e se escoite as bandas, solistas e ruidistas da terra.