6/11/09

Travesía polo deserto

Continuan os problemas técnicos. E non van a menos. Nas últimas horas a situación agravouse polo que a radio vese na obriga de cesar temporalmente a súa actividade. Certo é que as ondas do mar non están a vibrar hoxe como de costume... Pero nós non imos parar.

A radiONeria nacía un 16 de xuño de 1991. Foron épocas duras nas que a continuidade, tan importante nunha radio, non estaba asegurada. Longas noites de pedra tinguiron a emisora ó longo da súa historia. Hoxe non podemos mirar cara atrás. A milagre obrouse. Quizais ninguén apostaría porque a radiONeria chegase a ter o amplo equipo de colaboradores que ten hoxe en día… O certo é que todos temos algo en común, que é o interese polo noso e porque un fermoso e tan agradecido proxecto (ó mesmo tempo que esixente) saia adiante.

É certo tamén que ó longo do dial hai máis radios, con máis medios, con outras ideas ou con menos problemas técnicos, pero o esforzo e a humildade deste proxecto son infinitos. Ademáis apostamos pola proximidade, pois ben seguro que ninguén está as 24 horas tan preto de ti.

As máquinas ás veces fallan, mais isto non vai decaer, sen ir máis lonxe este sábado día 7, a radio acolle unha reunión dos seus colaboradores cun único obxectivo: que a radiONeria continue a medrar. Como diría Freddy Mercury, The Show Must Go On...

1 comentario:

Anónimo dijo...

The show must go on amigos, tendes toda a razon, mentres, teremos que volver a escoitar os cd's que xa parei de escoitar cando coñecin esta radio
SO VOS DIGO UNHA COUSA
sende fortes

Unha aperta dende fisterra