radiONeria

Directo -- Sábado Tarde --

2011-12-31T16:49:00.001+01:00

Manolín presenta o seu novo libro de poemas en Corcubión

2011-12-21T19:28:00.004+01:00

Manolín ten novo libro: "Os abismos do corazón". O seu segundo libro, e de novo, a poesía, a súa gran paixón alén do fútbol, é a protagonista.

Este venres, poderemos disfrutalo na súa esencia: recitando. Seguindo os parámetros de retransmisión do seu programa na radiONeria Realidade e Soños. Será no Recital poético-musical que ofrecerá este venres 23 de decembro de 2011, ás 20:15h na Casa da Cultura de Corcubión.

Non estara só o poeta costeiro. O acto será presentado polo xornalista muxián da Radio Galega, Xusto López Carril. Ademais, intervirá a cantautora María Dolores Oliveira, fillo do propio Manolín, que nos deixará degustar da súa voz e a súa guitarra coas cancións de toda a vida que tanto prestan ao seu pai.

Ademais, actuará o Grupo de Baile Nerio de Corcubión, que farán unha fermosa e novedosa escenificación do poema "A la izquierda del roble", de Mario Benedetti, un dos seus potas favoritos.

Máis información

Blog Cousas de Manolín.

radiONeria: Programa de Manolín "Realidade e Soños.

Unha seria oferta de entretemento para a fin de semana

2011-11-01T15:07:00.001+01:00

Con Music is Life, a radiONeria pretende conformar unha oferta de calidade para as fins de semana. Para tal efecto, conta cun dos buques insignia da emisora para comezar a tarde, como é Fórmula Neria (sábados de 17:00h a 19:00h). O espazo que dirixe Iván Pereira está a comezar unha nova tempada con moitas novidades (tamén musicais) e co respaldo da audiencia, visible a través das peticións musicais recibidas edición tras edición.

Outra das novidades é o cambio de horario do Un Máis Un. O espazo que dirixe Saulo Fernández emitirase a partir de agora cada sábado, entre as 19:00h e as 20:30h (en redifusión os domingos de 12:00h a 13:30). Fernández contará esta tempada con novos colaboradores, novas sección e unha maior presenza de información.

Italian Style pon o punto final á tarde musical de sábado na radiONeria. Trátase dun programa baseado nos estilos máis dance, que está dirixido por un dj de recoñecido prestixio no noso país como é Dj Charlie. O subidón da fin de semana chega ás 22:00h do sábado, nun espazo que se emite en máis de seis estacións e cadeas de radio en toda España, máis de tres en Latinoamérica e en máis de dúas radios online.

Music Is Life, nova aposta da radiONeria para as tardes da fin de semana

2011-10-26T01:11:00.021+02:00

A radiONeria vén de estrear un novo proxecto para as tardes da fin de semana. Trátase de Music Is Life, un espazo no que repasaremos ao longo de noventa minutos os temas que nos levan cada fin de semana á pista de baile do noso local de copas. Os estilos latino, dance e pop conforman este tempo de radio. Ademáis contarán con entrevistas e moitas máis sorpresas.

Trátase dunha previa do sábado noite, e para tal efecto, Music Is Life conta coa dirección de dous homes que coñecen moi ben as noites de festa na nosa zona. Eles son MD Project, ou o que é o mesmo, Lema Dj, chegado dende o pub Mikos de Santa Comba, e Manusoul, aterrado dende o Buda Gold de Ordes nas ondas da radio municipal de Corcubión. Music Is Life emitirase cada sábado entre as 20:30h e as 22:00h.

Escoita directamente o programa de esta semana

Music is Life (10-12-2011)

O teu navegador non soporta elementos de audio tal vez deberias probar con outro que soporte os estandares.

Descarga anteriores:

Fórmula Neria celebra o seu terceiro aniversario cunha festa en Zona Zero

2011-10-01T21:47:00.004+02:00

Neste outono de 2011 cúmprense tres anos da estrea dun dos programas máis veteranos e con maior seguimento da radiONeria. Trátase de Fórmula Neria, un coidado espazo musical centrado nos sons de rabiosa actualidade e baixo a dirección de Iván Pereira. Todo un record de duración nestes tempos nos que ningún medio pode evitar problemas de mantemento.

Pois ben, co gallo deste cumpreanos, o vindeiro sábado, 8 de outubro, a Discoteca Zona Zero de Cee acollerá unha gran festa baixo a dirección musical do autor deste tempo de radio. Será Iván Pereira a estrela da festa, e quen faga vibrar a toda a mocidade da Costa da Morte. A filosofía da festa vén sendo un programa de Fórmula Neria trasladado por unha noite á pista de baile. A diversión está asegurada, sempre cun gran catálogo de estilos musicais: Pop, música latina, e coa calor da noite un pouco de caña para desfasar con estilos como o electro ou o Hands Up. Éste será o menú musical para unha noite, que promete ser inesquecible para moitos.

Iván Pereira non estará só aos mandos musicais da Festa de Fórmula Neria. O colofón da noite virá co novo grupo de dj’s Magic Sound Group. Prometen musicón a tope os membros deste proxecto musical de recente creación. Trátase do fisterrán Martín Romero e o carballés Rubén Casás. Ambos estudan na Coruña e gustan de todo tipo de música House, pero facendo especial fincapé en varios sub xérenos como o Club, Comercial, Electro ou o Progressive.

Tomade nota xa da cita, que comezará na medianoite do vindeiro sábado. Tamén repartirán agasallos entre os asistentes e haberá moitas sorpresas.

Fórmula Neria nacía nun outono de 2008 ante as inquedanzas radiofónicas de Iván Pereira, un rapaz natural de Cee. Pereira encargouse de varias tarefas ao longo deste tempo na emisora, dende a continuidade da emisora, ata o control técnico de varios dos seus espazos. Pero os seus maiores esforzos centráronse en Fórmula Neria. Ante a falla de atención do Concello de Corcubión para coidar da radiONeria, emisora municipal, Pereira formou parte do grupo de colaboradores que tomaron a iniciativa para manter viva a emisora decana da bisbarra. Todo ata o día de hoxe, no que Fórmula Neria convertiuse nunha sólida oferta de lecer radiofónico para a fin de semana na Costa da Morte.

Escoita a cuña promocional da festa:

O teu navegador non soporta elementos de audio tal vez deberias probar con outro que soporte os estandares.

Paco do Muxico volve con Foliada: Festival de Laxe e a poeta Mariví Cousillas

2011-09-12T19:12:00.004+02:00

Tralo parón do verán, Paco do Muxico volve co programa de música tradicional da Costa da Morte, Foliada. I é que Paco estivo todo o verán entregado á pandeireta da súa Banda de Gaitas Maruxía de Laxe, coa que percorreu toda Galicia de festa en festa.

Hoxe, tráenos ademais á poeta da Campara (Ponteceso), Mariví Cousillas, que por primeira vez leva os seus ás ondas.

Escoitar o programa Foliada 22: Festival de Laxe e a poeta Mariví Cousillas.

Máis información

Escoitar todos os programas de Foliada.

A radiONeria retransmitirá a final do Trofeo Neria

2011-08-20T17:04:00.004+02:00

Por primeira vez na historia, a emisora municipal de Corcubión vai retransmitir a final do Trofeo Neria. O título, organizado pola asociación que leva o mesmo nome, está a convertirse pouco a pouco nunha das citas obrigadas e máis importantes do verán futbolístico na Costa da Morte

Equipo

O partido dará comezo este domingo, 21 de agosto de 2011, ás 18:00h no campo de O Conco, en Dumbría. A radiONeria comezará unha programación especial dende as 17:30h, coa presentación, narración e animación de Adrián Leira, Fran Lago e Iván Pereira, e os comentarios de Nito e Calabanda.

A emisión da radiONeria desenvólvese a través do 107.8 da FM e deste blog. Ademáis, poderase escoitar na zona de cobertura da nosa emisora amiga, Radio Roncudo, no norte da Costa da Morte. Esperámosvos!

A radiONeria será a protagonista dunha documental

2011-06-02T12:04:00.005+02:00

Os colaboradores da radiONeria José Lemur, O Fantasma accidental, e Pablo J. Damonte comezan a creación dunha documental sobre a emisora municipal de Corcubión. Ao redor, o equipo de colaboradores aportando contidos ó documental e á emisora, e un séquito de antigos participantes que fixeron da radiONeria unha referencia informativa na Costa da Morte durante moitos anos.
Falamos dunha radio con máis de 20 anos de historia, pero nin as denuncias poden botar abaixo. A súa vertente social é tan grande que fai que as ondas nunca deixen de soar.
O proxecto vai para longo, pois o material que están colleitando é infinito. Ademais é un proxecto que está aberto a toda a veciñanza da zona que teña colaborado o non coa emisora, e teña gañas de aportar.

Canteira inagotable de talento

De feito, a incidencia social da radio municipal de Corcubión está continuamente demostrada. A vertebración social que xerou en diferentes xeracións de Corcubión e da comarca de Fisterra vese nas diferentes capacidades que potenciaron os seus usuarios.
Para facer a montaxe contactamos con auténticos profesionais de diferentes sectores que se formaron nos estudios de Corcubión. Referentes galegos no mundo radifónico deportivo, actores de teatro de primeiro orde galego, políticos, mestres... A radiONeria foi, e é, toda unha canteira inagotable de talento.
Así como referentes da Canteira radiofónica podemos faar de persoeiros tan significativos a día de hoxe como Marco Antonio Sande (voz dos deportes da COPE Coruña), Fran Hermida (voz da Coruña Deportiva da Cadena Ser e voz da Radio Nordés durante moitos anos); José Luís Louzán (voz actual da Nordés) ou o propio Pepe Formoso (actual director da Radio Nordés-Cadena Ser).
Pero tamén podemos traer exemplos da canteira teatreira como os actores de Talía Teatro Toño Casais e Dani Trillo.
Ademais temos exemplos tan significativos da canteira poética non só en Manolín, senón tamén no seu neto Abraham, que comparte con Saulo, Marta e Iago Cespón o espazo xuvenil "Un máis un".
Como representante da canteira política podemos destacar a Oscar Insua, actual voceiro do BNG de Corcubión, que a piques estivo de converterse no 2008 como o alcalde máis novo de toda Galicia. A intención será tamén a de falar co actual alcalde do Concello corcubionés, que seguramente seguirá sendo o socialista Francisco Lema, Chisco.
E non quedamos aí, temos varios mestres formados nas ondas da emisora municipal de Corcubión, como Isabel Tomé, que nas ondas faise chamar Maruxiña dos Queixos.
Con todos eles intentaremos falar na documental, ademais de con todos os colaboradores actuais da radio, para deixar claro o potencial educativo, social e cultural que ten a emisora municipal de Corcubión.

Máis información e contacto

Poden aportar as súas impresións sobre a documental en radioneria@gmail.com.

Os mitins de Corcubión na radiONeria

2011-05-18T20:11:00.004+02:00

A emisora municipal de Corcubión trae os mitins dos 4 partidos que se presentan á alcaldía na vila de San Marcos. Estes xoves 19 e venres 20 de maio, emitiremos os mitins en horario de 11:00h a 14:00h e de 17:00h a 20:00h.

A distribución será a seguinte:

Xoves (11:00h a 14:00h): Mitin do PACOR e Mitin do BNG.
Xoves (17:00h a 20:00h): Mitin do PP e do PSOE de Corcubión.
Venres (11:00h a 14:00h): Mitin do PP e do PSOE de Corcubión.
Venres (17:00h a 20:00h): Mitin do PACOR e Mitin do BNG.

Xa na rede

O teu navegador non soporta elementos de audio tal vez deberias probar con outro que soporte os estandares.

E aqui vos deixamos cos mitins:

Xa sabedes, escoitade ben e pensade o voto para este domingo 22 de maio.

Especial Bob Marley en SFNS

2011-05-12T12:01:00.000+02:00

Este venres, en Super Freak Night Show, Especial Bob Marley polo 30ª aniversario da súa morte.
A cita será este venres 13 de maio de 2011 nas ondas da radioneria e a través do noso blog a partir das 22:00h.

Máis información

Super Freak Night Show.

radiONeria ON AIR

2011-04-26T18:29:00.001+02:00

Tras case que 2 meses dende que aqule 1 de marzo a emisora municipal de Corcubión tivera que suspender as emisións dende o 107.8FM, a radiONeria volve facer vibrar as ondas do mar, e da FM.

Este mesmo martes 26 de abril de 2011 xa foi instalado e posto en marcha o novo emisor. Emisor que se instalou nos estudios centrais da radiONeria, situados no corazón de Corcubión. O Motivo é que a suposta ilegalidade (vixente dende 1995 e so agora denunciada) era o radioenlace que enviaba o sinal dende os estudios ata o Monte do Son.

Deste xeito, a emisión será agora de menor intensidade. Se antes as ondas da 107.8FM chegaban ata Dumbría, Carnota e Fisterra, agora o radio de acción da emisora municipal de Corcubión reducirase a Corcubión e parte de Cee.

A través da rede

Así e todo o blog da radiONeria segue emitindo en directo. Ademais os colaboradores e creadors dos programas, porémonos de novo en marcha, e seguiremos subindo os programas á rede.

Últimas novedades sobre a emisora municipal de Corcubión

2011-03-09T23:18:00.001+01:00

Reunión entre o Concello e os coladoradores da emisora - Foto: Pablo J. Damonte

O Colectivo de Colaboradores da emisora municipal de Corcubión e membros da Asociación Radio Neria, continuamos en marcha para volver ás ondas. Xa saben que a radiONeria tivo que suspender as emisións a través do 107.8FM por mor dun expediente aberto dende o Ministerio de Industria. Un expediente pola situación de ilegalidade (dende 1995) do radioenlace, que envía as ondas dende os estudios da emisora no centro de Corcubión, ata o repetidor do Monte do Son.
Precisamente na eliminación desa conexión se basean as posibles solucións que barallan colaboradores e concello. E precisamente este pasado sábado mantiñan unha reunión os membros da emisora co Alcalde e o Teniente alcalde da vila de San Marcos. A idea é sacar adiante o expediente ademais de atopar unha solución viable e legal para volver emitir polas ondas.

Vía internet

A primeira solución que se prantexou é aproveitar a conexión wifi do Concello para salvar o radioenlace. A través dun sistema de streaming a solución podería ser viable.
Pero aquí surxe a dúbida: É obrigatorio que unha radio municipal emita dende o seu termo municipal?.
O caso é que o emisor do Monte do Son está en Cee e esa podería sera unha segunda irregularidade como lles informaron os técnicos ao Concello.
A través da colaboración do Grupo de Facebook creado para a ocasión TODOS CON RADIONERIA, rastreamos e ollamos que:

La ubicación de estas emisoras, incluyendo su correspondiente antena, se llevará a efecto dentro de su propio término municipal, con las características de potencia y altura efectiva fijadas para cada caso en este Real Decreto. Cualquier excepción a esta norma general habrá de ser objeto de la pertinente autorización por la Secretaría General de Comunicaciones.Deste xeito parece que dá a entender que por algunha causa medioambiental, e dun xeito particular, se poida agrupar unha serie de emisores nun punto. E esa podería ser a nosa situación.

Segunda solución: Emitir dende os estudios

Aló polo 1995 a radio municipal emitía dende os propios estudios da emisora. Pero as interferencias que producían nas televisións e radios dos veciños fixo imposible continuar deste modo. Foi aí cando se decidiu levar a emisión ao Monte do Son quedando pendente o proceso de legalización ata o día de hoxe.
Trala reunión mantida o pasado sábado 5 de marzo, o Concello xa se puxo en marcha para probar de novo a emitir dende os estudios centrais, situados na Avda. da Viña, nº8. A mércores 9 de marzo xa hai prantexados varios orzamentos de técnicos que poidan traer o emisor para os estudios e poñer a andar de novo as ondas da FM.
Iso si, cun radio de acción moito máis curto.

Un problema alleo á política

Iso si, compre que quede claro que a Asociación Radio Neria e o colectivo de colaboradores da emosira municipal de Corcubión é moi importante que a problemática non se utilice como arma política por ningunha das partes. E o dicimos máis por algún xornalista da zona que intenta máis agravar que solucionar a situación.
"Non queremos culpables, queremos solucións"

A radiONeria na prensa

Quepasanacosta: A radiONeria pecha temporalmente as emisións a través da FM.
Diario de Bergantiños: Telecomunicaciones abre un expediente a Corcubión por la radio municipal.
Galicia1: Radioneria cierra temporalmente sus emisiones pero continua emitiendo por internet.
Guía de la radio: La municipal Radio Neria (C) cierra tras una denuncia del Ministerio de Industria.

radiONeria pecha temporal as emisións a través da FM

2011-03-01T18:30:00.006+01:00

Escoitar Comunicado do Peche temporal de emisión

Comunicado de Peche.
A emisora municipal de Corcubión pechou a emisión a través do 107.8FM este martes 1 de marzo de 2011. A emisora municipal de Corcubión non emitirá polas ondas temporalmente tras recibir o concello unha denuncia dende o Ministerio de Industria.

Ao parecer, o radioenlace entre os estudios da emisora e o repetidor do Monte do Son é ilegal. Ilegal dende o 1995, que foi cando se abriu a conexión co Son. O radioenlace era necesario xa que o concello, daquela dirixido polo BNG, e a propia emisora, dirixida por Pepe Formoso, instalaran un emisor dende os estudios, pero que facía interferencia coas antenas dos veciños dos arredores.

O Ministerio, ao parecer tras unha denuncia anónima, realizou o pasado mes de decembro unha inspección, trala cual formalizaron unha denuncia na que avisaban de que poden caer multas de ata 60.000€. As primeiras alegacións presentadas dende o concello foron denegadas e dende a comitiva municipal xa están preparando as segundas. Pero os asesores xurídicos aconsellan o parar a actividade, polo menos temporalmente, mentres haia un expediente aberto.

A realidade é que dende o Ministerio non ofrecen solucións a un problema, o legal, que atinxe a ducias de emisoras, privadas, libres ou municipais, de todo o país.

Polo de pronto, o equipo de colaboradores da radiONeria, así como a Asociación Radio Neria, vai seguir emitindo a través da rede, dende este blog e a través do Facebook da radiONeria.
Ao tempo, seguiremos traballando, man a man co concello, para intentar recuperar a normalidade o máis pronto posible.

Iso si, facémonos algunha pregunta tras todo isto:

- Cantas radios hai completamente legais no estado?
- Quen pode ter o suficiente interese no peche da radiONeria como para formalizar unha denuncia?

Foliada segue recuperando o son tradicional da Costa da Morte

2011-02-28T14:10:00.003+01:00

Continua Paco do Muxico recuperando os sons máis tradicionais da Costa da Morte. Dende o seu programa da radiONeria, leva xa varios meses visitando grupos da bisbarra, como Os Jaiteiros da Coteleira, Ramo Cativo, As Cantareiras de Verdillo; A Roda, Lume na Cachela, ou as Raigañas de Cerqueda, que vemos precisamente na foto.

Hoxe, estes artistas son os protagonistas.

Ademais, o refraneiro cormelá será outro dos protagonistas do programa.

Escoitar Foliada

Máis información

A radiONeria estrea un novo programa de "música jalleja dajora"

2011-02-17T16:25:00.002+01:00

Gracias ao selo Pai Música e a súa Radio Pai, poderemos achegar ás Terras de Fisterra e Carnota un novo programa sobre "música jalleja dajora". Plástico Elástico é unha viaxe por unha odisea musical que percorre Galicia.
Así, dende esta mesma semana, todos os martes ás 20:00h, podedes escoitar as novidades sobre a múisca feita no país en Plástico Elástico. E o poden facer no 107.8 da FM ou a través do blog da emisora municipal de Corcubión radioneria.blogspot.com.

Bloque Musical

E lembren que cada día, a partir das 15:00h e tralo Boletín de novas diario, poden escoitar o bloque de "música jalleja dajora" da radiONeria.

Máis información

Grella de radiONeria.

A radiONeria, referente informativo na Operación Orquesta

2011-02-04T11:29:00.003+01:00

Dende que saltou a noticia, na mañá do pasado luns, a radiONeria non descansou. A Costa da Morte chegou á primeira plana informativa en todo o país e nós quixemos facer unha cobertura especial do acontecido "ás portas da casa".

Deste xeito, e grazas ao traballo conxunto co diario Que pasa na Costa, levamos informando de todos os detalles da Operación Orquesta dende o luns, cada sesenta minutos, dende as 08:00h da mañá e ata as 00:00h ou 01:00h da madrugada.

Toda a actualidade do caso resumida en boletíns informativos duns cinco minutos de duración, onde achegamos e actualizamos as últimas novidades. Un dispositivo case que 24 horas para que a Costa da Morte non perda nin o máis mínimo detalle do que está a pasar tan preto de nós.

A radiONeria quere estar sempre onde se lle necesita, dándolle voz aos problemas da nosa bisbarra durante todo o tempo que sexa preciso.

Sabemos dos vosos parabéns polo traballo feito, porque nolo contades.

Nós aquí estamos, as 24 horas do día ofrecendo información, cultura e lecer dende a Costa da Morte.

Graciñas polo seguimento.

Os Jaiteiros da Coteleira e Donaire en Foliada

2011-01-24T14:06:00.003+01:00

Continúa Paco do Muxico facendo unha fermosa colleita de música tradicional galega pola Costa da Morte. Son moitos os grupos que xa ten visitado grupos como As Raigañas de Cerqueda, Ramo Cativo, Lume na Cacheira ou as Canatreiras de Verdilllo.

Hoxe, luns 24 de xaneiro, ás 23:00h, Paco do Muxico marcha ata a Campara, en Ponteceso, para facer un Serán cos Jaiteiros da Coteleira. Non os perdan.

E para o luns 1 de febreiro Paco do Muxico tráenos un concerto do grupo de baile Donaire da Coruña.

Máis información

Cataventos presenta na radiONeria a Escola Municipal de Vela e os Encontros Apem-Aspadex

2011-01-19T20:15:00.004+01:00

Escoitar entrevista.

Carlos Pazos, técnico municipal, Noemí Bermúdez, Marcos Trillo e María Alcalde de Cataventos Escola de Vela, achegáronse ata os estudios da radiONeria para presentar a novedosa Escola Municipal de Vela de Corcubión, pioneira na Costa da Morte.
Escola que nace co obxectivo de que todos os mozos do municipio poidan achegarse ao mar a través de práctica do Deporte da Vela durante todo o ano. I é que non hai que esquecer que somos unha zona con raíces mariñeiras e hai que transmitirllo aos nosos mozos.

Inscrición

A Escola Municipal de Vela do Concello de Corcubión para nenos/as de 7 a
12 anos comezará a funcionar en xaneiro.
As preinscripcións poderán facerse nas oficinas do Concello ou no Pavillón Polideportivo e tamén chamando ó 981 745 400 / 981 746 753.
Para máis información diríxanse as oficinas municipais ou a Concellería de
Deportes.

Encontros Aspadex - Apem

Ademais, a entidade comezou esta semana co Curso de Vela no marco dos Encontros a Vela Apem-Aspadex. O pasado martes 16 os protagonistas foron os usuarios de APEM, un total de 10 participantes os cales se diviron en dous grupos de actividade. Un dos grupos decantouse pola vela e o outro polos Kaiak`s xa que dende Cataventos consideraron necerario que os participantes adquiran equilibrio e perdan a rixidez sobre unha superficie movil na auga.
Detse xeito os martes e mércores durante os meses de febreiro, marzo e abril os usuaurios de Apem e de Aspadex terán unha xornada mariñeira cada semana.

Hai que recordar que este proxecto non se podería levar a cabo sen a colaboración das empresas da zona, todas consideraron que este proxecto era moi interesante para integrar a estes participantes dun xeito ludico-deportiva no mundo da vela. Aí están apoiando a iniciativa os Hotel Insua,Marcos Canosa, Suministros Lar, Labralia, Ebanistería Sendon, Antelo, E.S Bazarra, Centreo de audicións nordes, Fuco Corbelle, Hotel o Horreo. As Hortensias, Madeiras Casais, Cen Cee.

Manolín felicita o Nadal con toda a familia

2010-12-22T12:37:00.001+01:00

Este mércores 23 de decembro, toca sesión especial de Nadal na radiONeria e Radio Roncudo. O Programa Realidade e Soños emite o seu especial de Nadal. E para iso, Manolín trae a toda a familia. O programa conta coa participación de Saulo Fernández, a filla de Manolín, Amparo Oliveira e o seu máxico neto Abraham Trillo.
O especial de Nadal chega cos poetas Juan Mena, Celso Emilio Ferreiro, Eduardo Pondal, Gonzalo López Abente, Celia Rivas, Xoán Xosé Fdez. Abella, Manuel Curros Henríquez e Rubén Darío, acompañados da inconfundible voz de Pablo Milanés.

Xa o poden escoitar en:

Realidade e Soños.

Xa está disponible o primer programa da terceira tempada do SFNS

2010-11-24T00:52:00.007+01:00

O SFNS comezou a sua terceira tempada este pasado venres e xa esta dispoñible para baixar na sección do programa deste blog e a través do Facebook da radiONeria.

A radiONeria comeza a tempada do XX aniversario

2010-11-03T20:14:00.000+01:00

Porque vinte anos non se cumpren todos os días. A radiONeria está a iniciar nestas datas unha nova tempada radiofónica, un periodo no que se cumprirán dúas décadas dende a primeira emisión da radio municipal de Corcubión.

Non son moitas as novidades que presentamos de cara a este ano, pero queremos dar un pasiño máis na consolidación da emisora como referente informativo, de entretemento e de lecer para toda a Costa da Morte. Isto é todo o que vos ofrecemos dende a radiONeria nesta nova tempada: a 2010 – 2011.

INFORMATIVOS

Boletíns de novas.

Cada mañá dende as 08:30h somos os primeiros en abrir o relato informativo na Costa da Morte. E facémolo a través dos boletíns de novas. Información puntual e rápida en clave local, sen rodeos nin cortapisas. Prestamos especial atención ao eido cultural, cun feixe de citas e quefaceres para os tempos de lecer.

E como non podía ser doutro xeito, o máis salientable da información deportiva, coa actualidade e o seguimento dos nosos equipos en todas cantas disciplinas se vexa representada a Costa da Morte.

O boletín chega cada día da man do equipo de http://quepasanacosta.com. Dirixen este tempo de novas Ubaldo Cerqueiro e Óscar Rey, coa axuda puntual de Iván Pereira.

Horario de emisión: de luns a venres ás 08:30h, 09:00h, 09:30h, 10:00h, 15:00h e 19:00h.

O Ronsel.

Van xa seis anos dende que Óscar Rey comezaba a guiar á Costa da Morte a través do seu Ronsel. Información, reflexión, análise, opinión e entrevistas dan forma a dúas horas de radio que cada semana nos poñen ao tanto de todo canto acontece arredor de nós.

Horario de emisión: os xoves ás 22:00h (en directo) e os sábados ás 12:00h (en diferido).

CULTURAIS E DIVULGATIVOS

Realidade e Soños.

Manuel Oliveira Gómez “Manolín” presenta o programa decano da radio na Costa da Morte. Tres son as súas paixóns: o fútbol, a poesía e a zarzuela. Nós quedámonos con dúas delas. “As poesías de Realidade e Soños reflicten o que eu sinto durante esa semana.”

De cando en vez podemos disfrutar das súas propias creacións, pero Manolín tamén adoita deleitarnos coas obras de Celso Emilio Ferreiro, Eduardo Blanco Amor, Miguel Hernández, Federico García Lorca ou Antonio Machado, entre outros moitos.

Horario de emisión: os mércores ás 23:00h e os venres ás 14:30h.

Zarzuela.

Como vimos de ver Manolín tamén ten outro espazo radiofónico para outra das súas paixóns: a zarzuela.

COMEZO DA NOVA TEMPADA PRÓXIMAMENTE.

Horario de emisión: os domingos ás 11:00h e os mércores ás 14:00h.

Escrita

O poeta cormelán Paco Souto presenta un espazo no que pretende facernos soñar e vivir a literatura. Poemas, contos, lecturas, entrevistas, actualidade e vivencias compoñen este tempo de radio para a noite dos martes.

Horario de emisión: os martes ás 23:00h e os xoves ás 14:00h.

Cienciaes

O achegamento ao eido científico vén da man de Cienciaes. Trátase dun programa semanal de divulgación científica que pretende cumprir o obxectivo de que os oíntes sexan quen de maravillarse ante o mundo científico.

EMISIÓN EN LINGUA CASTELÁ.

Horario de emisión: os venres de 14:00h a 14:30h

Ecoloxía

Belén Rodríguez conciéncianos cada día de que os recursos naturais son escasos e hai que coidar deles de cara a un desenvolvemento medioambiental, económico e social. Dende temas de actualidade medioambiental ata consellos para un estilo de vida máis ecolóxico, pasando pola divulgación da flora e a fauna autóctona galega, teñen cabida neste programa.

Horario de emisión: de luns a venres ás 12:00h.

VARIEDADES

La hora del Comején*

Juanito Comején presenta un tempo de radio no que nunca deixa títere con cabeza. Personaxes de eidos tan dispares como a política, a igrexa, a sociedade, ou a cultura poden ser obxecto de crítica nun espazo que non deixará indiferente a ninguén.

EMISIÓN EN LINGUA CASTELÁ.

Horario de emisión: na medianoite (00:00h) do sábado ao domingo.

MUSICAIS

Foliada

A cita semanal coas músicas que se fan neste recuncho da terra. Dende grupos da Costa como os fisterráns A Crus de Baixar ata outros consolidados no noso país como A Roda, todos teñen cabida neste espazo. O seu presentador, Paco Mosqueira, o define así: “O melloriño da música tradicional galega”.

Horario de emisión: Os luns ás 23:00h e os mércores ás 20:00h.

O fantasma accidental

Os sons máis escuros do panorama musical nolos trae Jose Lemur, un amante da música “concreta e industrial”. Papeis como os de Dj e crítico musical en diversas publicacións, fan de Lemur e o seu programa unha interesante proposta para

os nosos oídos.

Horario de emisión: Os mércores ás 21:00h e os luns ás 14:00h.

No Intro

Os dous benxamíns da radiONeria, Saulo Fernández e Marta Cespón, presentan un dos programas máis veteranos da emisora, con xa cinco tempadas ás súas costas. A lista dos éxitos músicais do momento, unha ollada á actualidade é ao mundo da televisión, cotilleos, e recomendacións cinematográficas, compoñen esta oferta da radiONeria para as mañás dos domingos.

Todo coa tua participación en directo vía telefónica e tamén ao longo da semana a través do blog oficial do programa.

Horario de emisión: Os domingos ás 12:00h e os martes ás 20:00h.

Fórmula Neria

Iván Pereira presenta nas tardes dos sábados un dos programas máis seguidos da radiONeria. A mocidade da Costa xa pode desfrutar do pop, o dance e a música latina máis actual. Todo elo coas tuas peticións e adicatorias musicais a través das habituais vías de participación.

Horario de emisión: Os sábados ás 17:00h e os xoves ás 20:00h.

Neria Weekend

A única alternativa ao deporte na radio durante a fin de semana vén da man de Fran Lago. Cento vinte minutos cada semana para mergullarnos coas mellores cancións de todos os tempos, dende os anos 70 ata a actualidade. E todo elo acompañado de diversos comentarios de actualidade con especial atención ás novas máis curiosas dos últimos días.

Horario de emisión: Os sábados e os luns ás 20:00h.

Super Freak Night Show

Nas noites dos venres un par de sinverjuensas chamados Jaky Dj e Dj Alan ofrécennos unha selección musical (xeralmente baseada nun único grupo ou nun determinado xénero) coa compaña dos comentarios máis contrastados e amenizado con grandes doses de humor. Grandes cancións e grandes sorrisos para rematar a semana.

COMEZO DA NOVA TEMPADA PRÓXIMAMENTE.

Horario de emisión: Os venres ás 22:00h e os luns ás 00:00h.

Intente dedicar su disco

Juanito Comején abre o teléfono para as túas adicatorias. Comején advirte: “abstéñanse horteras pero boa música témola toda”. Para tentalo, basta con marcar o 981738025.

EMISIÓN EN LINGUA CASTELÁ.

Horario de emisión: Os martes e os domingos ás 22:00h.

Aires Celtas

Un programa para os amantes da música celta. Cada semana son moitos os músicos que pasan polo programa, non só cos seus sons, senón tamén para darse a coñecer máis a fondo a través de entrevistas. Á fronte do programa están Federico Salvador, Juan Armando Salvador, Lola Sánchez e Javier González.

EMISIÓN EN LINGUA CASTELÁ.

Horario de emisión: Os sábados ás 11:00h e os martes ás 14:00h.

Chill Pop

As noites dos luns na radiONeria danche a oportunidade de tomar un “break”, nada máis comezar a semana. En Chill Pop únense música e imaxinación, cunha coidada selección musical onde manda a relaxación. Ademáis, entre canción e canción, unha historia, formando entre todas o fío condutor do programa.

EMISIÓN EN LINGUA CASTELÁ.

Horario de emisión: Os luns ás 22:00h.

Italian Style

O vigués DJ Charlie dirixe un tempo de radio adicado ao estilo musical que máis sinte: o Italodance. Dúas horas de subidón xunto con multitude de seccións e diversos colaboradores, para facer máis amena a tarde do domingo.

EMISIÓN EN LINGUA CASTELÁ.

Horario de emisión: Os domingos ás 17:00h e os sábados ás 22:00h.

Siete Pulgadas

Nas tardes do domingo, reggae e dancehall toman o relevo acompañado de moitas doses de humor. Trátase de Siete Pulgadas, unha fiestra aberta a uns sons descoñecidos para moitos…

EMISIÓN EN LINGUA CASTELÁ.

Horario de emisión: Os domingos e os venres ás 20:00h.

Funkmanía

Qué mellor xeito de pechar a semana que coa compaña dos sons Jazz Funk e o Smooth Jazz. David Margam, productor musical, convídanos cada madrugada de domingo a viaxar a través de sons pouco cotiáns.

EMISIÓN EN LINGUA CASTELÁ.

Horario de emisión: Nas madrugadas dos domingos aos luns ás 00:00h.

BLOQUES MUSICAIS

Pero como a radio non para, todas as horas das que non falamos arriba non ían estar baleiras. A emisora municipal de Corcubión reinvéntase coa intención de satisfacer a todos. Deste xeito a nova tempada chega cun dobre obxectivo neste eido: Máis e mellor. Para iso, na radiONeria reestructuramos os nosos bloques musicais polo que ofreceremos as seleccións musicais máis coidadas do mercado radiofónico.

Pero por se fóra pouco, e conscientes da demanda da audiencia, ampliamos os minutos de música por hora, convertíndonos na emisora que máis minutos de música sen interrupcións ofrece cada hora con case sesenta, unha aposta difícilmente superable.

As mañás comezan dende ben cedo con Oldies, música dende os anos setenta ata a actualidade con cancións que todos coñecemos. Ás 09:30, e logo da información, chega un clásico: Mañás de guateque.
Pero a novidade da tempada vén arredor das 12:10h coa Sesión Vermú, unha selección musical que obtivo unha extraordinaria resposta da audiencia durante a época estival, polo que decidimos mantela ao longo da tempada invernal.

Xa pola tarde, ás 15:10h chega o compromiso da radiONeria co país a través dos seus sons e a Música Jalleja Dajora. Non paran as seleccións con Jrandes Ésitos dende as 16:00h, Fórmula Pop ás 18:00h e A Hora Indie ás 19:10h.

Na medianoite adicamos un tempo á música con etiqueta. Os luns e os xoves, as mellores bandas sonoras en A Son de Cine, os martes o mellor da música Jazz, Soul e Blues, os mércores unha viaxe polo planeta con Músicas do Mundo e os venres, Metal.

Outra das apostas da radiONeria para a nova tempada e a que chega dende as 01:00h con a edición nocturna da selección de música Oldies. Conscientes da monopolización radiofónica por parte do deporte nese treito horario, poñemos en marcha unha oferta diferente e axeitada para os noctámbulos.

O Reggae e o Ska tamén teñen o seu sitio, os venres dende as 21:30h.

Xa na fin de semana, a noite vén quentiña, co mellor dance dos anos 90 cada venres en Dance Remember, e o mellor dance da época 00 cada sábado en Dance Sen Pausa. Ámbalas dúas citas, dende as 02:00h da madrugada.

O equipo de colaboradores da radiONeria, queremos dar as grazas polo apoio e o seguimento e convidamos a toda a audiencia a que siga aí un ano máis para levar a cabo neste vixésimo aniversario, o proxecto máis ambicioso que unha radio local no noso país poida desenvolver.

A todos, GRAZAS.

Daniel Rego (PP de Camariñas) na radiONeria: "A autovía estará feita no 2013"

2010-10-19T03:01:00.001+02:00

Estivo hai uns días en O Ronsel, programa informativo desta casa, o voceiro do Partido Popular no concello de Camariñas, Daniel Rego. Centrouse a charla nos efectos do POL en Camariñas pero tampouco faltaron outros temas como a autovía da Costa da Morte ou, xa a un nivel máis local, a situación actual do legado de Man, o alemán de Camelle. Deixamos aquí a entrevista lembrando que poden escoitala íntegramente, premendo un pouco máis abaixo.

O alcalde de Camariñas falaba nos últimos días que o POL podería traer complicacións para Camariñas. Que opina vostede?

As complicacións de Camariñas non as trae o Plan de Ordenación do Litoral. As complicacións de Camariñas as trae o non facer os deberes hai vinte anos por parte do PSOE. O único que fai o POL é organizar o litoral. É unha demanda lóxica no século XXI porque non se pode construir onde se queira.

Partimos dunha lei que había co bipartito no 2007, que falaba dos cincocentos metros da liña de costa para todos, o que nos afectaba moito en Camariñas. Agora queren organizar o litoral cun plan no que hai vinte metros, cincuenta, cen ou máis pero dependendo da zona. O que non podemos é estar en Red Natura ou edificar alí porque estragariamos a natureza. Ninguén pode dubidar hoxe do POL porque é necesario.

Hoxe está nun procedemento de aprobación inicial. Estamos na fase de alegacións e eu o que non entendo é que se faga tanta demagoxia co POL. O que deben facer os representantes que estean é o Plan Xeral. Sen Plan Xeral os pobos non van adiante.

O POL non urbaniza nada. Eu escoito ao alcalde dicir que “Camelle desaparece”, “os polígonos empresariais non se fan”,… Hai que ser máis serios. Un alcalde non pode andar poñendo este alarmismo cando non estamos facendo os deberes en Camariñas.

Temos que facer nós os deberes e para iso é necesario e imprescindible sacar o PXOM adiante, un PXOM no que cada vez imos ter máis dificultades porque cada vez póñense máis normas e isto dificulta o progreso de Camariñas.

Se Camariñas carece na actualidade de PXOM, supoñemos que se estará rexindo por unhas normas subsidiarias…

O triste de Camariñas é que non temos nin normas subsidiarias. Nós o que temos é solo delimitado. Ogallá tiveramos normas subsidiarias porque sería unha cousa menos mala da que nos está ocorrendo, pero é que Camariñas é un dos dous concellos galegos que non ten normas subsidiarias.

O alcalde di que está todo fenomenal. Que opina o Partido Popular?

Ogallá tivera razón porque a min encantaríame darlla ao alcalde pero non é certo. Camariñas ten grandes problemas, non só no tema do urbanismo. Camariñas ten problemas no tema da pesca, na fábrica de conservas,…

Temos que unirnos todos, sen ideoloxía política, e loitar no mesmo sentido. Non é serio o que estamos facendo. Eu pido que non se loite tanto polo voto e se loite máis polos veciños e polos pobos. Cando unha persoa está catro anos ten que ter un obxectivo e uns proxectos, e iso é o que hai que votar. Hai que deixar o sectarismo aparte.

Tampouco temos a autovía. É algo fundamental, a pesar de que non vai pasar por Camariñas senón por Vimianzo, pero é fundamental para comunicarnos co exterior.

Que lle podemos dicir á xente para que estea tranquila, nese caso de que a autovía se vaia facer?

É evidente. A situación dun país móvea a economía. Hoxe temos que dicir a verdade porque España esta a pasalo fatal no tema económico. Sobre o tema da autovía eu pregunto ao PSOE, ao PP, ao BNG e a todos os veciños: Quen non quixo construir algo na súa casa e non tivo un retraso? E máis agora, que é moi distinto facer unha autovía e dicirlle á empresa “hai que conseguir os cartos do financiamento”. Onde se consiguen eses cartos? Hoxe os bancos non están pasando o mellor momento.

Eu non vou dicir, porque non me parece serio, “mire, os catro anos que estivo gobernando o bipartito, que é o que fixo? Pois meter moitas pedras pero non facer nada”. Do tempo de atrás hai que esquecerse e mirar sempre ao futuro. E temos que mirar positivamente e dicir “señores, temos un retraso e temos que volver sacalo a concurso”.

O outro día díxomo o conselleiro e eu lle dixen “Agustín, tranquilo, esquécete, que retraso ten a autovía?” “Oito meses.” “Por favor, pero ti por oito meses nun proxecto tan enorme, estás preocupado? Pero ti vas facela?” “Non a vou facer eu. Vai facela o pobo galego”.

O pobo galego necesita estar coa Costa da Morte, e a solidariedade na Costa da Morte non se demostrou só coa autovía, senón cando foi do Prestige. Non temos que ser tan pesimistas. Ímola facer. Eu dígovos unha cousa: No 2013 a autovía estará feita, e farémola todos os galegos e todos os da Costa da Morte.

A situación da vida non é ás veces como un queira senón como as circunstancias se dean, e estamos nas peores circunstancias para hoxe meter moitos millóns de euros para facer a autovía. Pero debemos reivindicala, e o Partido Popular da Costa da Morte reivindica, como a reivindica o Partido Socialista, pero non coa demagoxia e con críticas.

Eu fun a Vimianzo convocado polo Sr. Touriño, pero tan pronto gañaron as eleccións non fixeron nada. Fun a Laxe e tampouco fixeron nada. Eu o único que digo é que o Partido Popular ten un compromiso, e no 2013 andaremos todos pola autovía e moi ledos de que todo esto sexa bo para a Costa da Morte, porque o desenvolvemento temos que facelo nós, non esixirlle aos políticos e menos esixirlles que sexan especialistas da política, senón que sexan especialistas da humildade e de facer cousas para os nosos concellos.

Como se atopa a situación dos diversos proxectos relacionados co Man, o alemán de Camelle?

Paralizados. A min dóeme falar deste tema. O Museo de Man é un punto de atracción turística para Camelle enorme. Man desapareceu, pero nós temos que facer menos política a conta de Man e máis feitos a prol de Man. E para facer feitos a prol de Man temos que restaurar e manter a casa onde vivía el. E iso non o estamos facendo. Estamos enganando á xente dicíndolles que imos facer unha fundación e a Fundación Man, na que utilizamos cunha sinvergüencería e con pouca delicadeza o nome de Man sinxelamente para enganar ao pobo de Camelle.

Hai que unirse e restaurar a casa de Man. A Fundación debe unha pila de cartos, non está funcionando, e o obxectivo (a restauración da casa) non se está cumprindo. Non se está a facer absolutamente nada se non é grazas á asociación dos veciños de Camelle que está no verán traballando voluntariamente. Pero se vostede vai ver a casa onde vivía Man está totalmente deteriorada e abandonada. Que hai que facer? Restaurala, conservala, e mantela.

Hai que facer un proxecto e deixarse de encontros para aproveitarse do nome de Man e sacar réditos políticos.

Escoitar a entrevista a Daniel Rego en O Ronsel Descargar
O teu navegador non soporta elementos de audio tal vez deberias probar con outro que soporte os estandares.
O Ronsel

Os xoves ás 22:00h e os sábados ás 12:00h.

A radiONeria visita o Museo Fernando Blanco de Lema

2010-10-14T19:33:00.001+02:00

Pasou hai uns días polo programa O Ronsel da radiONeria o Coordinador do Museo Fernando Blanco de Lema, Darío Areas. Areas explicounos quen era Fernando Blanco ademáis de presentarnos todo o que podemos atopar dentro do museo que leva o nome do ceense. Deixamos aquí a entrevista que facía Óscar Rey.

Quen foi Fernando Blanco?

Fernando Blanco de Lema foi un dos máis importantes indianos que houbo en Galicia. Entendemos por indianos aqueles emigrantes galegos que durante o século XIX e a primeira metade do século XX víronse forzados a deixar a nosa terra buscando un futuro próspero lonxe das nosas fronteiras.

Elixían como destino países como Cuba, Arxentina ou Venezuela e que despois de anos de traballo lograban facer fortuna neses países e decidían deixar esa fortuna ás súas vilas natais para que nelas se fixeran obras como colexios, lavadoiros públicos, hospitais, estradas ou igrexas. Os indianos foron fundamentais para o desenvolvemento do país.

Fernando Blanco de Lema naceu en Cee en 1796. Despois dunha infancia complicada con varios acontecementos luctuosos –tocoulle vivir a guerra da Independencia, matáronlle ao seu padriño, que era quen o criou, incendiáronlle a casa natal os franceses- foise con trece anos a Cuba.

Logo de moito traballo e esforzo logrou facer fortuna, triunfou e decidiu no ano 1875, cando contaba con 78 anos de idade, deixar práticamente toda esa fortuna ao pobo de Cee para que nel se fixera un colexio de primeira e segunda ensinanza. El quería darlle aos nenos e ás nenas das xeracións vindeiras as oportunidades que el non tivo cando era pequeno.

Con ese diñeiro que el deixou fixéronse dous centros: O actual IES Fernando Blanco, que ostenta a categoría de ser o primeiro instituto de segundo ensino que houbo no rural galego, e a antiga “Escola das nenas”, que hoxe é a sede do museo. Chamábase “Escola das nenas” polo sinxelo motivo de que antigamente os nenos e as nenas non podían ir xuntos á clase. Si podían ir ata os sete anos pero a partir dos sete anos había que separalos, e por iso o edificio que hoxe está na Alameda de Cee, onde hoxe está a sede do museo, é coñecido como “Escola das nenas”.

Que podemos atopar dentro do Museo Fernando Blanco?

O Museo inaugurouse no ano 2001 cunha dobre finalidade. Por un lado lembrar a figura de Fernando Blanco e dala a coñecer, sobre todo para os que non somos desta zona, e por outro lado conservar e difundir o rico patrimonio e o legado que había no instituto.

O que podemos atopar na actualidade é un museo con dúas prantas. Na pranta inferior temos unha parte adicada á capela. Os grandes institutos tiñan normalmente no seu interior a finais do século XIX igrexas pequeñas, porque a relixión tiña un peso fundamental na educación do momento. Ademáis esa capela ten un gran valor simbólico para a xente de Cee porque nela repousan os restos de Fernando Blanco.

Logo temos unha parte adicada á música. Cee é un pobo con moitísima tradición musical e teatral. Iso ten a súa orixe no instituto. As clases de música empezan no ano 1888 e as funcións de teatro no ano 1907.

Temos tamén unha parte adicada á unha asignatura curiosa, que nos chama moito a atención pero que na Galicia rural era fundamental como é a agricultura. Hai unha colección de maquetas, apeiros de labranza e maquinaria para que os rapaces viran os últimos avances no traballo do campo.

Na pranta baixa sobre todo destacan o que son os cadros de Federico de Madrazo. Federico de Madrazo foi o máis importante retratista español do século XIX. Foi pintor de cámara da raíña Isabel II, director do Museo do Prado, director da Real Academia de Belas Artes, e fixo oito cadros para a fundación: Dous de Fernando Blanco e o resto dos albaceas, é dicir, as persoas que el nomeou no seu testamento para que cumpriran a súa última vontade. Federico de Madrazo ten moitos cadros no Museo do Prado –iso nos fala da súa categoría- e eses cadros dábanlle unha categoría especial ao colexio.

Logo na pranta superior do museo xa temos as coleccións científicas, os chamados gabinetes de física, de química e de historia natural, porque ao ser un instituto de segundo ensino estaban obrigados a contar con este material científico, que era moi novedoso e que se mercou no ano 1890 en Francia, posto que en España nese momento non había ningunha casa de material científico que puidese subministrar ese material tan novedoso.

Que ten que facer un particular ou un grupo de persoas para acudir ao Museo?

O Museo está aberto durante todo o ano de martes a sábado en horario de 10:00h a 13:00h e de 17:00h a 19:00h. A visita é gratuita. Para os grupos, se desexan recibir unha visita guiada explicándolles un pouco pormenorizadamente os contidos, o que fan normalmente é avisar cun par de días de antelación ao número de teléfono 981 747 221.

Este ano xa pasaron polo museo máis de 3200 persoas. Hai moito interés na Costa polo museo…

A 30 de setembro fixemos un reconto con sobre 3.200 persoas. Nós ao ano temos unha media de entre 3.500 e 4.000 visitantes. Consideramos que é unha cifra considerable, tendo en conta que somos un lugar apartado e difícil de chegar, pero do que nos sentimos máis orgullosos é sobre todo das visitas organizadas de grupos escolares, das que rondamos as 35 ou 40 ao ano.

Detrás do Museo hai unha fundación…

Actualmente hai unha fundación que está formado por cinco membros. A programación cultural está centrada –e cústanos bastante- no Museo. Nós temos unha prioridade, que é dar a coñecer e difundir a figura de Fernando Blanco e sobre todo nos centramos na conservación do material. Tendo en conta que estamos a falar dunha colección de finais do século XIX, todas as pezas teñen máis dun século de vida, moitas pezas perdéronse polo camiño e moitas delas chegaron a nós en moi mal estado de conservación. Nós o que temos é un convenio asinado coa Consellería de Cultura, que anualmente aporta unha cantidade de diñeiro para poder restaurar esas pezas.

Escoitar a entrevista a Darío Areas en O Ronsel Descargar O teu navegador non soporta elementos de audio tal vez deberias probar con outro que soporte os estandares.

Sitio web do Museo Fernando Blanco

Os Tesouros da Fundación en QPC

O Ronsel

Os xoves ás 22:00h e os sábados ás 12:00h.

Nova tempada do Boletín de Novas

2010-09-28T18:55:00.005+02:00

Escoitar o Boletin

Escoitar Boletín.

Continúa a radiONeria e Radio Roncudo seguindo a actualidade da Costa da Morte gracias ao Boletín de Novas que nos trae o equipo de Quepasanacosta.com.
Un boletín que chega amenizado pola música da banda galega Ulträqäns e dos Cuchufellos.

Cada día, nas ondas do 107.8FM na comarca de Fisterra e Carnota; e no 106.1FM nas Terras de Bergantiños, as novidades chegan puntualmente ás 8:30h, 9:00h, 9:30h, 10:00h, 15:00h e 19:00h.

Xa na rede

Xa podes escoitalo tamén a través da rede. Só tes que darlle a "Me gusta" na paxina de Facebook da radiONeria, onde colgamos todos os boletíns a primeira hora da mañá.

Facebook de radiONeria.

Zaira Rodríguez na radiONeria: "Malia a crise, o actual goberno de Cee fixo obras importantes"

2010-09-14T19:09:00.003+02:00

O pasado venres o PP de Cee presentaba a Zaira Rodríguez como candidata á alcaldía nas vindeiras eleccións municipais de 2011. Horas despois da presentación dende a radiONeria quixemos poñernos en contacto coa popular, que nos transmitiu as súas primeiras impresións. Rodríguez (na foto a carón do seu antecesor, Antonio Domínguez) non amosou un discurso duro co goberno de Cee, adicándolle incluso louvanzas ao actual equipo, formado por independentes e socialistas. Éstas foron as súas verbas.

Como se queda un cando recibe este tipo de noticias?

Pois a verdade é que sintes moitas emocións. Sintes orgullo e satisfacción por encabezar a lista do Partido Popular de Cee, e ao mesmo tempo responsabilidade. Son moitas emocións xuntas. É un reto importante.

Hai uns días coñeciamos que non quería ser candidata. Cal foi ese detonante que a levou a decidirse a aceptar?

Nunca entrou na miña mente nin o pensara. Vin que había moita xente que apostaba por min e querían que me presentara. Vin que tiña moitos apoios e decidín pensalo. Finalmente dixen “tiro cara diante” e así aconteceu.

Vostede xa estivo á fronte dun goberno en Cee baixo a tutela de Antonio Domínguez. Como estaba Cee daquela e como está hoxe?

Eu coido que houbo cambios importantes na vila de Cee. Coido que se converteu nun referente para a Costa da Morte con obras importantes. O cambio foi para mellor.

Que valoración fai dos últimos anos de goberno municipal?

Estamos nun momento malo de crise no país e en Galicia pero pouco a pouco andarase. Houbo obras importantes que xa se deixaron feitas e quedan por facerse moitas.

Quizáis unha das situacións que máis preocupan na actualidade no concello de Cee é o tema da educación, non si?

Educación, emprego… O emprego é importante, pero estamos nun momento un pouco malo en xeral.

No tema económico argumentaban dende o PP que as obras que se fixeron nesta lexislatura poderían facerse con moitos menos cartos, non é así?

É posible, é posible.

Os tres contrincantes que vai ter nesa carreira ata chegar ás eleccións do ano que vén repiten. Vostede como debutante, que valoración fai dos candidatos que se presentan polas outras listas?

Parécenme persoas fantásticas, lévome ben con todos, cada un loita polos seus ideais e coido que todos témoslle agarimo a Cee.

Bueno, vemos en vostede que non semella que vaia facer unha campaña sucia…

Non, non é o meu estilo. Hai que ser constructivo e tentar facer cousas boas por Cee, pero coido que as críticas destructivas non van a ningún lado.

Escoitar a entrevista a Zaira Rodríguez en O Ronsel Descargar

O teu navegador non soporta elementos de audio tal vez deberias probar con outro que soporte os estandares.

O Ronsel

Os sábados de 12:00h a 14:00h (en directo).
Os xoves de 22:00h a 00:00h (en diferido).

Óscar Insua na radiONeria: "Sen prazas suficientes na gardería veranse mermadas as arcas municipais"

2010-09-11T17:50:00.007+02:00

Logo do descanso estival, retomamos o pulso informativo a través desta bitácora coas intervencións das personaxes da vida política, social, ou cultural que van pasando pola radiONeria. E voltamos ao tren da actualidade cun asunto que preocupa moito en Corcubión como é a falla de prazas na gardería municipal, un tema do que se fixo eco nos últimos días o BNG local. Da postura dos nacionalistas deunos cumprida conta o voceiro da agrupación, Óscar Insua. Fran Lago falou con el este sábado en O Ronsel.

Preocupante a situación da educación na Costa da Morte e neste caso no concello de Corcubión, non si?

Pois a verdade é que si. A nivel comarcal existen unha serie de problemas. Parece ser que no concello veciño de Cee van cara diante coa creación da nova gardería pero aquí en Corcubión temos o mesmo problema.

É significativo que haxa vinte prazas en Corcubión e dezanove quedaran en lista de espera. Eu creo que éste é un problema importante que preocupa aos veciños de Corcubión e hai que resolver.

Nesa medida nós imos poñer este asunto enrriba da mesa no vindeiro pleno ordinario para comezar a falar xa de algo que vén de vello. Ou ampliamos a gardería municipal ou facemos unha nova.

De quen é a responsabilidade desta falla de servizos?

Está claro que a responsabilidade primeira é do Concello, aínda que a Xunta teña competencias tanto no regulamento como noutras cousas. Nós cremos que o alcalde, no canto de adicarse ao urbanismo, debe facelo cos problemas sociais básicos, i é que tanto PSOE no Estado como PP na Xunta adícanse a recurtar cada vez máis necesidades sociais básicas.

Nós o que queremos é que o alcalde se poña mans á obra e reclame o que teña que reclamar. Se na Xunta non lle fan caso teremos que asumir nós esa responsabilidade de resolver o problema, como a asumiu por exemplo o concello de Carballo.

Lemos na prensa que a concelleira socialista María Delia Lado postúlase a prol da construción dunha nova gardería e instan á Xunta para elo…

Está claro que cada un tira a pelota no tellado do veciño. Evidentemente a nosa moción vai estar aí, a nosa proposta é esa e todo o que sexa bo vaise apoiar. Supoño que o goberno municipal apoiará a nosa proposta. A nós danos igual que o faga a Xunta ou o Concello.

Se se ven mermadas as arcas do Concello en menor medida, aínda pode ser máis positivo porque realmente poderemos facer outras cousas. A Xunta ten competencias en certas cousas pero temos o caso de Carballo tamén, que están pendentes de facer unha gardería municipal pero a Xunta nin arre nin so, e ao final tiveron que ser eles os que lle deron cara diante cunha subvención da Deputación.

Á xente o que lle interesa é que se resolvan os problemas. Neste caso hai moitos veciños de Corcubión que quedaron sen praza na gardería municipal e non saben como van facer este curso para poder conciliar a vida laboral e a vida familiar.

Despois tamén veñen as queixas, porque por un lado fanse políticas activas cos xubilados para que teñan tempo de lecer pero por outro lado son os avós os que teñen que acabar coidando dos meniños. Haberá que estudar o asunto e mirar se a gardería se pode ampliar ou non, e senón ben facer unha gardería nova ou ben darlle uso ás instalacións do colexio de EXB.

Vemos tamén que nos sacaron a ESO de Corcubión para levala para Cee e os rapaces pequenos teñen que ir cos rapaces maiores, algo que os pais non ven moi factible. Ao non termos a secundaria deberiamos mirar se podemos ocupar certas aulas e instalar alí a gardería, obviamente ampliando o número de prazas.

As propostas creo que son varias pero haberá que sentarse con elas enrriba da mesa e estudalas. O que si é certo é que o alcalde de Corcubión non pode andar esperando a que estes asuntos saian na prensa. Esto tiña que estar resolto e non o resolveu porque supoño que non lle interesaría moito. A nós si que non interesa e chega un momento no que tamén é responsabilidade nosa meter este asunto enrriba da mesa, xa que o alcalde nin por activa nin por pasiva o fai.

Resúmanos un pouco as medidas que prantexan dende o BNG.

Por un lado hai que estudar as posibilidades que temos de ampliar ou aumentar pero o que está claro é que vinte prazas para Corcubión non chegan, porque isto provoca outra serie de problemas como o éxodo cara outros concellos, polo que merma o censo, merman os ingresos e acabaremos sendo catro veciños. O obxectivo é ampliar o número de prazas na gardería municipal de Corcubión.

Coa crise como telón de fondo, non consideran que sexa a educación un eido susceptible de aforro, non?

Efectivamente, dende o BNG temos claro que tanto os servizos sociais como a educación son materias nas que non podemos reducir orzamentos nin esforzos. Para nós a educación é básica. Hai que investir en vez de reducir, pero a verdade é que as políticas que está a facer o Partido Popular na Xunta e o PSOE en Madrid deixan moito que desexar en educación. Reducen bolsas e axudas á educación e logo priman aos centros privados e concertados no canto de primar á ensinanza pública, que debe ser igual e democrática para todos.

Os gobernantes que temos están aproveitando o tema da crise para dicir que hai que recurtar, polo que a esta xente lle vén como anel ao dedo. Dende logo nós non estamos dispostos a que pase eso. Se necesitamos unha gardería municipal e hai que facela ímosllo reclamar á Xunta e se non o fai a Xunta pois ao Concello, pero dende logo temos que priorizar determinados servizos. Para nós a educación e os servizos sociais son básicos, polo que nós non renunciamos a loitar por estas cousas.

Fai o BNG algún tipo de chamamento á poboación de mobilización ou protestas?

Nós nun primeiro momento debatiremos o asunto no pleno e despois a partir de aí chamaremos á poboación a que participe para que se vexa que non é unha ocorrencia do BNG. Nós poñemos estas propostas enrriba da mesa porque os veciños achéganse a nós e nolo comentan.

O problema non é só do que non teña fillos ou do que os teña en idade non escolar. O problema é de todos porque nos xogamos moito. Se se nos reduce a poboación e o censo imos ter un problema de recursos económicos, entre outros moitos. Eu quero que a poboación non quede queda porque se quedas quedo fan de ti un pandeiro. Hai que mobilizarse polas cuestións importantes e chamamos a todos os veciños e a todas as veciñas a exercer a presión suficiente sobre os que gobernan para que este asunto non quede en nada.

Escoitar a entrevista a Óscar Insua en O Ronsel Descargar

O teu navegador non soporta elementos de audio tal vez deberias probar con outro que soporte os estandares.

O Ronsel

Os sábados de 12:00h a 14:00h (en directo).
Os xoves de 22:00h a 00:00h (en diferido).

Por primeira vez en No Intro......

2010-08-20T16:39:00.002+02:00

Por primeira vez en No Intro ofreceremos durante esta semana a posibilidade de votar pola túa canción favorita nunha enquisa que temos na marxe dereita do blog.

Esta idea xurde pola necesidade que teñen os lectores do blog de poder votar as suas cancións favoritas sin ser en horario de programa, e tamén gratuitamente, xa que antes se querías votar tiñas que chamar por teléfono.

Esperamos que vos guste a idea e moitas grazas as persoas que no la deron, que son tamen, oíntes do programa.

http://www.nointroradio.blogspot.com/

Polo momento a lista de No Intro está da seguinte maneira, asi que xa sabedes, se queredes que cambie de orde votade no noso blog:

Lista de No Intro:

10-Oceana- Cry cry--7 votos--
09-Inna- Deja vu--8 votos--
08-Ana Torroja- Sonrisa--15 votos--
07-Kesha- Your love is my drug--18 votos--
06-El pescao- Castillo de arena--20 votos--
05-David Guetta- CLub can't handle me--23 votos--
04-Kylie Minogue- All the lovers--28 votos--
03-Lady Gaga- Alejandro--30 votos--
02-Bob- Nothing on you--32 votos--
01-Shakira- Waka waka--40 votos--

Equipo de No Intro - RadiONeria 107.8 Fm

Cada semana un novo programa de Italian Style

2010-08-02T13:10:00.003+02:00

Italian Style é un dos programas do momento. Está dirixido por Dj Charlie e ofrece unha gran variedade de estilos musicais, centrándose sobre todo na música italodance.

Este programa que se está emitindo dende comezos de ano na RadiONeria conta co seguinte contido:

Novedades musicais, noticias, temas promo, suxerencias, recomendacións, os mellores colaboradores e todo sobre a música que move o planeta.

Horario de emisión:

- Os domingos de 17 h a 19 h.

- Repetición os Sábados de 22 h a 24 h.

Escoita a promo:

Promo Italian Style

A radiONeria con O Tren da Unha de Laxe no camiño cara á canción do verán

2010-07-31T18:48:00.004+02:00

Pasou hoxe sábado por O Ronsel un dos membros do grupo O Tren da Unha de Laxe. Víctor García (na foto, co violonchelo) estivo nos micrófonos da radiONeria para presentarnos o grupo do que forma parte. Frescura nas letras, ritmo musical e unha imaxe impecable son o que nos ofrecen estes laxenses que este ano, ademáis de ir polas verbenas de actuación en actuación, están a loitar por facerse co título da canción do verán a través do concurso da Radio Galega, Vas Sacar Nota? Esta foi a conversa que mantivemos con Víctor.

Como se formou O Tren da Unha?

O Tren da Unha formouse por casualidade. Lembro que fora nunha xuntanza que se fixera a raíz de organizar o antroido do ano pasado, aquí en Laxe. Aquí hai xente afeccionada á música, non profesionais, pero hai moita adicación pasional. Entón chegamos a contactar uns cos outros e dixemos, pois facemos a orquestra nós. Xuntámonos catro, Piticas (na foto de pe coa copa), Jesus Mari (á esquerda), Tom (no centro, sentado) e máis eu, e fixemos unha festiña que saíu bastante ben. A xente respondeu moi ben e fomos moi ben acollidos, o cal nos deu estímulo para seguir adiante ata o día de hoxe.

Como xurde esta idea de presentarse a un concurso?

Presentámonos a dous concursos. Un era o Apologhit, do portal Vieiros, no que quedamos de cuartos co tema A Marajota. E agora estamos presentándonos a un concurso da Radio Galega que se chama Vas Sacar Nota. É un concurso no que buscan a canción do verán e nós presentámonos cunha canción que se chama Marylin. Para votar é moi fácil, pero se algún enxeñeiro informático nos escoita, sempre pode botar unha man porque este tipo de concursos que se fan por internet, e quero ser un pouco crítico con eles, dan moito que pensar. Que aos dous días de votacións haxa grupos que teñen mil e pico votos dá moito que pensar…

Menos mal que hai un premio do público e outro onde hai un xurado porque do tema de internet desconfío moito porque xa nos ten pasado noutras ocasións que concursamos, e hai moito chanchullo entre as votacións.

En que fase está o concurso agora?

Está na fase final. Houbo unha fase na que se recolleron todas as cancións que chegaron ao concurso e dese total escolléronse as quince máis votadas. Tivemos a fortuna de estar de quintos nesta primeira fase. Agora estamos na fase final na que hai quince cancións e pódese votar cada día. Haberá un gañador por parte das votacións do público por internet e outro gañador que escollerá un xurado cualificado. Aínda temos todo o mes de agosto para votar e pode facerse unha vez ao día.

Fora do concurso, que actuacións ten O Tren da Unha para este verán?

Mañá domingo imos estar en San Fins amenizando a sobremesa sobre as cinco da tarde. Seguramente voltemos a Corme, aínda non sabemos en Laxe como será. Pero alí onde tocamos a xente nos ve e se hai algunha comisión de festas ou algún local que queira un grupo para amenizarlle unha velada… Vai xurdindo sobre a marcha.

Escoitar a entrevista e o Marylin

O teu navegador non soporta elementos de audio tal vez deberias probar con outro que soporte os estandares.

Votar por O Tren da Unha no Vas Sacar Nota? da Radio Galega

O Tren da Unha en QPC

O Tren da Unha en Facebook

Entrevista de José Muiño no programa O Ronsel

2010-07-28T13:36:00.001+02:00

Como vai o proceso da posta en valor do dolmen de Dombate?

O dolmen de Dombate ten unha gran importancia polo patrimonio cultural, tanto para Cabana como para a bisbarra. Eu creo que vai ser un referente como catedral do megalitismo que a temos definida para toda a Costa da Morte, e xunto con outros como o faro de Fisterra ou o castelo de Vimianzo, o dolmen vai ser un monumento tremendamente importante.

Despois de moitos anos de espera agora as obras van a bo ritmo e creo que van cumprirse os prazos. Para o ano que vén poderemos ter o dolmen en pleno funcionamento, tanto na recepción de visitantes como o propio dolmen. Eu creo que é algo importante. Estabamos cifrando máis de vintecinco mil visitas cando estaba en estado ruinoso e coido que vai ser un polo de atracción importante para o turismo na bisbarra.

Estamos tamén buscando inversións para o castro de Borneiro que está moi preto, e que é un BIC (Ben de Interese Cultural). Temos un compromiso da Dirección Xeral de Patrimonio da Xunta de Galicia para facer unha nova sinalización, que estaba en mal estado, e uns mellores accesos para poñer en valor o castro como atractivo turístico.

Dende o Concello aseguraron que ían ofrecer solo gratis no polígono industrial de Nantón. Como chegan ata este punto?

Cabana quedou no seu momento sen solo industrial. Unha vez que entramos nós a gobernar vimos que tiñamos aí unha tara importante para o desenvolvemento do concello, polo que iniciamos unha serie de xestións para buscar iniciativa privada, e investir así no noso concello.

Conseguimos que houbera proxectos en marcha, pero coa crise non hai diñeiro para poder afrontalos. Seguimos pelexando e nestes intres estamos buscando investimentos tanto no estranxeiro como en España, para traer para aquí unha industria. Moita xente non o acaba de ver, pero creo que estamos na boa dirección.

O dez por cen do solo vai destinarse a empresarios da Costa da Morte coa fin de xerar postos de traballo. Teño moita ilusión con isto porque aínda que é unha idea moi arriscada, podémola desenvolver sempre e cando deamos arrincado co proxecto.

Esta crise afecta moito á xente da Costa da Morte e queremos que aqueles que teñan problemas de legalización das naves poidan ter o seu solo sen que lles supoña un custe engadido.

Cal é a postura do Concello sobre a regularización das naves?

Ser empresario na Costa da Morte é moi complicado. Ainda que a man de obra ten moito potencial, a distancia que temos con certos territorios fai que os empresarios tendan a marcharse aos perímetros das cidades.

A un empresario hai que axudarlle a regularizar a súa situación porque no seu momento, cando fixo a nave, fíxoa coa mellor intención. Non había desenvolvemento de plans urbanísticos, e por tanto todo o mundo o facía onde lle deixaban ou onde podía. Hai que darlle a posibilidade a esa xente que ten unha empresa asentada para que poida regularizar a súa situación. Naturalmente, éste non é un cheque en branco porque senón daríanse situacións desfavorecedoras. Se eu son un veciño de calquer concello, pago a miña licenza e cedo o meu terreo, o empresario que agora se lle regulariza a situación, que non fixo cesións, que non pagou licenza, que non fixo proxecto, pois necesita estar nas mesmas condicións que outro veciño.

Eu estou a favor de que se axude pero hai que artellar unhas ferramentas para que esa xente teña que pagar como pagan o resto dos veciños. Os concellos temos que dotar de solo aos empresarios onde a xente se poida asentar.

Como valora os efectos do Plan de Ordenación do Litoral?

O POL é unha ferramenta que hai que desenvolver. Nós tivemos a oportunidade de estar sempre en contacto cos técnicos da Xunta para ver como quedaban os territorios. En Cabana hai sete quilómetros de Costa afectada polo POL. Unhas zonas non teñen desenvolvemento urbanístico, por tanto non lles afecta, pero hai outras zonas, as urbanas non consolidadas, onde o POL entra de cheo.

Notouse o cambio de goberno na Xunta?

Cando están os gobernos afíns tes mais facilidades á hora dos investimentos. Eu teño sufrido dous anos de espera para que me recibiran ou non me recibiran. Proxectos que estiveron dous anos paseando polos coches oficiais, agora teñen a oportunidade de facer o investimento. Para Cabana é beneficioso. É o que a min me interesa e tentaremos que sexa máis beneficioso aínda. É verdade que é unha crise importante e hai recortes por todos lados. Non estamos a falar doutros anos nos que había moitos máis fondos e témonos que axustar o cinturón.

No orzamento de Cabana primarán os investimentos...

Unha das virtudes que ten o Concello de Cabana é que non se fixo un derroche na contratación de persoal e en gasto corrente. Isto permítenos dotar máis partida para o orzamento. Este ano imos ter unha redución aproximada de 180.000 euros de ingresos do Estado e isto vaino notar a investimento, pero aínda así, un 30 por cento do orzamento irá destinado a isto. É unha cifra moi boa nos concellos da volta pero ao mesmo tempo é moi necesaria. Un dos problemas que ten Cabana é a dispersión. O feito de arranxar estradas, os gastos de alumeado público, instalacións deportivas,… fai que sexan necesarios todos eses cartos e ás veces non cheguen.

Están de actualidade os soldos dos políticos. Que medidas adoptan dende o Concello nese sentido?

Hai dous anos tomamos a medida de non incrementar os soldos dos políticos e agora aplicaremos as medidas que está aplicando todo o mundo, que en función dos soldos están dun 3 a un 5 por cen de recurte. É un recurte que se está aplicando ás persoas que traballan nos Concellos.

Como valora as actividades culturais e deportivas que ofrecen dende o Concello?

Hai concellos que son eminentemente turísticos e concentran moita actividade no verán. Cabana é todo o contrario. É moi disperso e tentamos, aínda que se faga actividade, facela todo o ano. Sempre tentamos facer moitas cousas con poucos cartos. Para min é mais importante en inverno e outono. No verán hai moita festa e moita actividade en todas partes, sen embargo en inverno hai menos, polo tanto a nós nos interesa máis a actividade no resto do ano.

Temos máis de 1.200 carnés de actividades deportivas e 800 usuarios da piscina ao longo do ano, polo tanto temos que potenciar esas actividades. No verán a xente utiliza máis as praias doutros concellos e non nos vemos na obriga de potenciar esas ofertas.

No eido das novas tecnoloxías, a Xunta aseguraba que case a totalidade das parroquias van ter aceso á banda ancha en breve…

É difícil porque Cabana é tremendamente disperso. Nós prantexámonos hai pouco se faciamos investimentos en redes wimax e wifi a través do Plan E. Tivemos unha reunión coa Xunta porque tiñan un programa de banda ancha no medio rural. E seguimos o consello da Xunta porque pódese dar a circunstancia de facer un plan propio de banda ancha no concello e despois esas redes non sexan homologables ás redes que intente desplegar a Xunta.

Entón imos esperar a que a Xunta faga a súa propia rede porque o problema non é facer a rede, senón dar o servizo. Nós estamos facendo as xestións para que Cabana, no horizonte 2011-2012, teña aceso a 2 MB no medio rural. Ao cen por cen é imposible pola orografía, pero a maior parte vaino ter. É algo moi positivo para superar esta brecha tecnolóxica.

Como pinta o panorama de cara ás vindeiras eleccións?

Aínda queda moito. Os que están gobernando teñen moita vantaxe sempre. Estar na oposición é un camiño polo deserto e ás veces é difícil configurar as listas. Para o que goberna tamén, pero as dificultades son menores. Aínda non temos no horizonte as eleccións i é un tema sobre o que se teñen que pronunciar os veciños.

A radiONeria estivo na Festa do Percebe do Roncudo

2010-07-20T02:28:00.007+02:00

Non faltaron a radiONeria e a Radio Roncudo a unha das citas por excelencia do verán costeiro: a Festa do Percebe do Roncudo. Foron centos de persoas as que se achegaron ata as inmediacións de porto cormelán para degustar un manxar que é patrimonio desta Costa.

E como dicimos, alí estiveron a radiONeria e a Radio Roncudo, ao pé da festa. Fran Lago e Iván Pereira dirixiron un especial de O Ronsel dende o porto cormelán. Deste xeito puidemos vivir en directo o ambiente que se respiraba na vila percebeira. Polos micros da radiONeria pasaron organizadores, políticos, e xente anónima, tanto cormeláns como visitantes, pero coa mesma intención: a de probar os percebes.

Un bo abanico de autoridades compartiron as súas impresións connosco, como Carlos Negreira (ex presidente de Portos de Galicia), Rosa Quintana (Conselleira do Mar), Diego Calvo (delegado na Coruña da Xunta), ou o alcalde de Ponteceso, Jose Luis Fondo Aguiar (na foto).

Este sábado, no Mercado Medieval de Corcubión

Pero os directos na rúa non rematan nin moito menos. Este sábado, Óscar Rey, Fran Lago, e Iván Pereira estarán nas rúas de Corcubión co gallo do Mercado Medieval, que se celebra ao longo da fin de semana na vila de San Marcos. Xa saben, non o perdan!

Escoitar O Ronsel especial Festa do Percebe

O Ronsel: O único magacín da radio costeira nas mañás do sábados (12:00h a 14:00h).

A fotografía é de Marcos Rodríguez.

O Ronsel, en directo dende a Festa do Percebe do Roncudo

2010-07-14T16:05:00.000+02:00

Chega a metade de xullo e como cada ano por estas datas, Corme celebra a cita gastronómica por excelencia no verán costeiro: a Festa do Percebe do Roncudo.

Xa van pola súa XVIII edición e xa que o evento cumpre este ano a maioría de idade, a radiONeria e a Radio Roncudo queremos unirnos á festa. Deste xeito, este sábado, 17 de xullo de 2010, o programa desta casa O Ronsel viaxa ata Corme para vivir en directo a Festa do Percebe. Serán como cada semana 120 minutos de informacións, opinions, entrevistas,... pero desta vez, coa ollada posta fundamentalmente na Festa do Percebe do Roncudo.

Fran Lago dirixirá O Ronsel esta semana, xa que o compañeiro Óscar Rey tomará parte activamente na organización do festexo. Quen si estará coma sempre, á fronte dos mandos técnicos, será Iván Pereira.

Xa saben, o vindeiro sábado, a radio en movemento, en directo dende a Festa do Percebe do Roncudo.

O Ronsel:

Os sábados, de 12:00h a 14:00h en directo.
Os xoves, de 22:00h a 00:00h en diferido.

Novos horarios Verán 2010

2010-07-08T13:20:00.001+02:00

Os programas habituais da RadiONeria e Radio Roncudo cambian de horario no Verán para seguir ofrecendo os seus contidos.

Formula Neria

Un dos programas que modifica o seu horario é Formula Neria presentado por Iván Pereira. Este espazo de dúas horas que ofrece a mellor música do momento emítese no tempo estival os Xovés de 20 a 22 horas. Podedes escoitar a repetición os Sábados de 17 a 19 horas.

Para máis información e descargas podedes consultar o espazo de Fórmula Neria neste blog.

O Ronsel

O Ronsel dirixido por Óscar Rey e Fran Lago volve no verán cun novo horario. Información, entrevistas, citas culturais e boa música o podes atopar neste programa. Escoitao:

Directo: Os Sábados de 12 a 14 horas
Repetición: Os Xoves de 22 a 24 horas

Ademáis a partir de agora poderás escoitar este espazo no blog. Cada semana colgaremos unha nova edición.

GRAZAS

2010-07-07T02:13:00.007+02:00

Levamos un par de días colgando nesta bitácora diversas opinións e valoracións sobre a final da Copa da Costa. Xa para pechar o capítulo copeiro, dende o equipo da radiONeria queremos facer públicas as nosas valoracións, que como non podía ser doutro xeito, van máis alá do eido futbolístico.

Foron xornadas maratonianas de traballo por parte dalgúns membros desta casa. Sacar a radio á rúa non é tarefa doada. Hai que procurar os medios necesarios, probalos, comprobar que se adaptan ao lugar onde se precisan, falar coa organización,... Isto tradúcese en horas e horas de adicación case exclusiva.

Cubrir 16 horas de programación durante dous domingos consecutivos só cun partido de fútbol non é asunto fácil, pero como sabemos o que significa o fútbol da Costa para moitos de vós, puxemos toda a carne na grella.

Foi moi duro. Levamos unha semana de verán, e para algúns de nós semella que xa pasou unha eternidade. Pero malia todo pagou a pena. Como non! O equipo da radiONeria amosámonos moi satisfeitos logo do resultado acadado coa cobertura que fixemos do que é se cadra, o evento deportivo máis importante da Costa. Sen dúbida algunha as melloras con respecto a outros anos foron cuantiosas. Pero na nosa mente seguirá o ir mellorando.

Non despedir esta Copa da Costa sen dar unhas GRAZAS así de grandes a:

Principalmente a dous grandes do fútbol como son Nito e Calabanda. Un ano máis, na radiONeria estamos moi agradecidos ante a axuda prestada por dous dos emblemas do fútbol costeiro. É un pracer para nós contar con comentaristas de luxo como os que temos, dos que ademáis salientamos a súa axuda, a súa comprensión e o seu apoio cara nós (Señores, contamos con vós para o vindeiro ano!!)

Aos patrocinadores, tanto a UPI Cee como a Vitualla. Tamén facer especial mención ao Concello de Corcubión, que nos facilitou os medios para o desenvolvemento deste proxecto.

Como non, agradecer o papel de Adrián Leira, como animador, que deu ese toque de humor que hoxe en día ameniza a maioría das retransmisións futbolísiticas. Sen esquecer tampouco a salientable tarefa de Ubaldo Cerqueiro, quen se ofreceu ao que nos fixera falla dende o primeiro momento.

A Guillermo Parga, redactor do diario Dépor Sport e aos amigos de http://piratasdemuxia.es xa que fixéronse eco do traballo que íamos desenvolver.

E xa por último, a vós, que seguistes a programación da radiONeria, e que seguimos contando convosco porque isto non fixo máis que comezar.

Fin do ciclo copeiro, pero o show debe continuar... GRAZAS!! :)

Equipo radiONeria. 107.8 fm.

Fran Hermida na radiONeria: "O Dumbría críase superior e o Cee non tivo argumentos"

2010-07-07T01:33:00.003+02:00

Rematamos a rolda de entrevistas do pasado domingo, co gallo da Final da Copa, coas verbas de Fran Hermida, que ademáis de ser corcubionés e compañeiro dos medios, é un sabio do fútbol da Costa. Así foi a conversa co equipo da radiONeria.

Fran, ¿como viches o partido?

Bueno, máis emoción que fútbol. Eu creo que o fútbol no sentido estricto da palabra foi escaso, pero como di ese dito, as finais non son para xogalas senón para gañalas. Vimos se cadra algún que outro partido máis espectacular, ao longo do ano, pero a final sempre é a final. Moitísima xente, dúas afeccións que se portaron de dez, e un equipo xustamente gañador.

O fútbol que vimos no campo por parte dos dous equipos deixounos unha pequena decepción, ¿non si?

Houbo un factor que para min foi clave. O Dumbría se sabía superior. Eu creo que ao Cee faltoulle capacidade de resposta porque tentárono con variantes tácticas e con cambios pero non había máis leña que a que ardía. O Cee quizáis estivo un pouco curto de argumentos e o Dumbría administrou o que traía, ampliouno co 0-1, e despois apareceu Llanero, que non o imos descubrir agora, e matou o partido.

¿Pode ser que Pato tardara en facer cambios para tentar combatir a superioridade do Dumbría?

Quizais tiña que ter osixenado ao equipo antes. Hai un rapaz como por exemplo Fernandito que lle dá un aire espectacular ao equipo e se botou en falta, e sen embargo xente como Luigi que coido que non respondeu ás expectativas.

Fran Hermida na radiONeria Descargar

O teu navegador non soporta elementos de audio tal vez deberias probar con outro que soporte os estandares.

José Manuel Pequeño na radiONeria: "Cada cinco anos unha Copa é un bo récord"

2010-07-06T21:28:00.003+02:00

Como era de agardar, moi ledo amosouse José Manuel Pequeño Castro ao remate do encontro do pasado domingo. Coa Copa no peto, o presidente do clube dumbriés, e a sazón alcalde de Dumbría, quixo felicitar a todo o eido futbolístico da Costa ante un dos meirandes eventos na bisbarra, e este ano cun resultado moi favorable para os intereses de Pequeño. Estas foron as verbas dun emocionado Pequeño na radiONeria.

Presidente, noraboa.

Noraboa a todos, principalmente a todos os xogadores, tanto do Cee como do Dumbría, que deron un espectáculo e isto é moi bo para o fútbol da Costa.

Alcalde, moi contento coa vitoria, ¿non si?

Si, moi contento lóxicamente. Son tres Copas na curta historia que ten o clube. Creo que cada cinco anos unha Copa é un bo récord.

Tres goles que anotou o Dumbría. ¿Contaba con algo así?

Non. Eu crin que ían ser menos goles, pero aí saíu a tolemia de Llanero e como sempre, cando Llanero a colle a enchufa.

Haberá máis Copa o ano que vén...

Nós para o ano que vén tentaremos estar aí, pensando na liga e co obxectivo de sempre, estar o mellor posible na liga.

¿Algunha novidade de cara ao ano que vén?

Non, en principio imos continuar así e imos tentar que as escolas deportivas e a xente da base teñan saída e facer ese gran equipo que queremos facer na Costa pero coa xente de aquí.

José Manuel Pequeño na radiONeria Descargar

O teu navegador non soporta elementos de audio tal vez deberias probar con outro que soporte os estandares.

Ramón Vigo na radiONeria: "O Dumbría foi superior pero o Cee é un equipo competitivo e forte que pelexa por estar entre os mellores"

2010-07-06T20:59:00.002+02:00

Seguimos repasando as reaccións ao triunfo do Dumbría o pasado domingo, na Final da Copa da Costa 2010. Desta volta ofrecémosvos ás verbas que recolleu a radiONeria do alcalde de Cee, Ramón Vigo Sambade. Vigo se amosou triste pola derrota do U.C. Cee, pero recoñeceu a superioridade do xogo do Dumbría. Esta foi a entrevista que lle fixemos ao alcalde da vila da Xunqueira.

Alcalde, triste, ¿non?

Foi unha mágoa, pero a verdade é que hai que felicitar ao Dumbría, que amosou no segundo tempo unha superioridade manifesta, dentro dun encontro que se desenvolveu na máxima deportividade posible. É unha festa na Costa da Morte, polo tanto felicitar ao Dumbría, e o Cee a intentalo en vindeiras ocasións. Nos últimos catro anos estivemos en tres finais da Copa da Costa, iso demostra que o Cee é un equipo competitivo e forte, e que pelexa sempre por estar entre os mellores. Hoxe non puido ser pero en calquer caso felicitar aos xogadores por chegar ata aquí e agardar a outras tempadas onde poida ser a cuestión máis favorable.

E agora a Copa Neria...

Si. É un trofeo que fai competir a todos os concellos da bisbarra, e nese senso é unha oportunidade máis de obter un trofeo que comeza a ter unha certa importancia e significación na zona, polo tanto a ver se hai mellor sorte que hoxe.

¿Estes dous equipos son favoritos?

Eu penso que si. Cando un chega á final da Copa da Costa, un torneo tan competitivo e tan difícil, significa que teñen equipo e solidez para poder chegar tamén na Copa Neria á final ou cando menos ao máis alto posible.

¿Recibirase no Concello aos xogadores, como subcampións?

Nós tratamos ao Cee como un equipo senlleiro no Concello. É a organización social máis antiga do pobo, e polo tanto, dende o Concello de Cee sempre se ten a mellor disposición para agasallar a un clube como o Cee.

¿Quedou contento co fútbol que fixeron os dous equipos?

Aínda que non me guste, teño que dicir que me gustou máis o Dumbría, indubidablemente, sobretodo no segundo tempo. Na primeira parte non se viu moito fútbol e houbo moi poucas oportunidades, pero no segundo tempo o Dumbría foi claramente superior, e por suposto disfrutei do fútbol, aínda que non me gustara porque os meus colores son os que son, como non pode ser doutro xeito.

A festa do fútbol quedou aquí manifestada, cos de Cee disgustados pero co Dumbría desfrutando desta grandísima final, ¿non si?

Por suposto. Xogan dous, un gaña e outro perde. A nós tócanos hoxe perder pero ver este campo cheo e ver o campo do Cee o outro día cheo, nuns momentos de pouca afluencia de xente ao longo da tempada, fai ver que a Copa é unha competición viva e que atrae todavía a todo o mundo para desfrutar do espectáculo do fútbol.

O alcalde de Cee na radiONeria Descargar

O teu navegador non soporta elementos de audio tal vez deberias probar con outro que soporte os estandares.

Nico: "É un gran premio logo dalgúns obxectivos fallidos"

2010-07-06T11:40:00.001+02:00

Pasou tamén pola radiONeria o pasado domingo outro dos homes do Dumbría C.F., flamante campión da Copa da Costa 2010. Nico amosaba a súa ledicia sobre este título ante as preguntas do equipo da radiONeria.

Nico, ¿que sensacións tes?

É a miña terceira Copa e penso desfrutala o máximo que poida. Dicía que íame retirar cando gañara a terceira pero creo que aínda vou ter que esperar un pouco porque se cadra aínda acado unha ou dúas máis.

Supoño que moi contento coa vitoria, ¿non si Nico?

Si. Este ano foi un pouco raro. Tentabamos ascender a Preferente, non nos saíu ben. Ao final ata o terceiro ascendeu e o único que nos quedaba era a Copa. Saíunos moi ben i é como un gran premio para o ano.

Das tres que gañaches, ¿de cal desfrutaches máis?

Gañei tres, xoguei catro finais, e a que máis desfrutei creo que foi a do Cee. A xente poñíanos de favoritos pero nós sabiamos que o Cee se nos atragantaba. Era como un touro que ías picar e non o dabas picado e devolvíache a espada. Ao final no partido liberámonos un pouco. Fomos quen de meterlles tres goliños, puido caer algún máis pero estiveron moi serios atrás. Desfrutei a do Cee pero estou moi contento de gañar esta polo ano que tivemos, tan raro.

Nico na radiONeria Descargar

O teu navegador non soporta elementos de audio tal vez deberias probar con outro que soporte os estandares.